Dictaa Occitana 2010 a Gap

Lo RESCONTRE GAPIAN, en colaboracion ambe l’Associacion de desvolopament de l’Alpin d’Òc dins las Aups n-Autas (ADALPOC 05) vos convia a participar a Gap, a sa segonda edicion de la « dictaa occitana ».

lo sandes 30 de genier a 3 oras de l’après miegjorn
a l’Ostau de Quartier de Beuregard
rota de Santa Margarida
05000 Gap

La "dictaa occitana" fuguec creaa en 1998 per lo Centre Occitan del País Castrés, ceucle locau de l'Institut d'Estudis Occitans. La tòca d’aquela dictaa es de promòure lo patrimòni linguistique de lenga d'òc. Permete de betre en valor la richessa de la literatura occitana, de tornar descurbir la lenga d'Òc ela-mema, de mostrar qu’aquela lenga es sempre un supòrt de creacion. Privilejia lo plaser d'escriure pusleu qu’aqueu de confrontar lo candidat a d'eventualas dificultats ortograficas, que farian apeu a una erudicion que que siaja. Gratuita, resta populària, es a dire duberta a tots, joines e adultes. Organisacion generalea de la "Dictada Occitana": Lo texte de la dictaa es extrach d’un obratge contemporaneu en alpin. L’i aurà ges de correccion individuala per un jurí. L’i aurà solament una prepausicion d’escritura dau texte en grafia classica. Chasque participant poirà se determinar rapòrt a n-aqueu e un debat poirà se betre en plaça concernant las chausias graficas. Puei, los preses saran remeses als participants. La basa dau texte sarà aqueu chausit per los adultes. Si de licéans e de colegians participan a la "dictaa occitana", de tròces de textes mai corts lor saran prepausats.      La manifestacion s’accabarà per lo pòt de l'amistat.

     Per fin d’ajuar los organisators, es demandat una inscripcion prealabla e gratuita que poietz adreiçar, tré que possible, per corrier au RESCONTRE GAPIAN, 41, rota de Sta Margarida a Gap. o per corriel a faureandre74@neuf.fr. en indicant los nom e prechon nom, l’adreiça, lo telefon, l’adreiça email e la categoria (escòla primaria, colegi, liceu, adultes).

Au plaser de se veire lo 30 de genier que ven, e ben coralament !

Informations:
www.festivaldechaillol.com

Tarif unique : 5€ (gratuit pour les moins de 12 ans)