L'Institut d'Estudis Occitanas 04-05 / Espaci Occitan es una associacion lei 1901 que sas tòcas son l'aparament e l'enençament de la lenga e de la cultura occitanas.

Nòstre seti sociau se troba a Gap, 21 charriera de l'Estamparia mai nòstra accion se debana sus los dos despartaments aupenc tant coma dins los autres despartaments de la region Provença Aups Còsta d'Azur.

L'Espaci Occitan es lo nom dau nòstre locau crompat fa ja detz ans e que l'associacion es encuei completament proprietària. Es un luec que li recebem e informem lo publique.

I donem corses de lenga occitana totas las doas setmanas. S'i debanan pereu corses de chant e animacions diversas.


Aqueste luec  es pereu una libraria associativa que prepausa per totes una varietat granda de libres en francés e en occitan, dins las doas grafias, pereu jornaus, disques, caissetats videò, sus la lenga e la cultura nòstras.
Nòstre catalògue content encuei mai de 3000 referéncias e se troba regularament aumentat per parucions novelas. Es disponible per correspondéncia per chasqua persona que ne'n fa la demanda.

Fòra la possibilitat de se venir informar a Gap, nos empleiam a respòndre a las demandas que nos arriban per correspondéncia o per interret.

Estant la soleta libraria d'aqueu tipe e d'aquela importància dins la region PACA tota, nos desplacem pereu, de la nòstra iniciativa pròpria o a la demanda quora las diferentas manifestacions e aquò dins tota la region.
Per citar quaques exemples fòra los despartaments aupencs, nòstres bancaus de libres fogueron visibles als rescontres occitans de Seina, als rescontres occitans en Vivarés à Thueyts, a la Fiesta dels suds a Marselha, ...


Sostenetz la nòstra accion ! L'adesion a l'I.E.O. 04/05 dona drech a un abonament a la revista bi-mensuala "Occitans!" (veire rubrica adesion).