| Micheu PRAT ten una cronica setmaniera, en occitan-aupenc, sus la radiò Aups 1 (Alpes 1). Veici los textes en occitan. Per aquelei que serian interessats l’emission passa chasque divèndres a 6 oras e 20 dau matin.
ACTU Setmana dau dimècres 31 de mai de 2006 au dimarç 6 de junh de 2006
Que s’es passat aquesta setmana ? Indonesia, Montenegrò, Pendacòsta, Riu clar, radeliers, lops, vaquí los subjectes que vau tractar aquesta setmana.
4Mai d'una setmana après lo terratremol que faguèc mai de sieis mila mòrts en Indonesia, son desenant las menaças de gripa dels polets que pesan sus la populacion tochaa. Las riscas de contaminacion son fòrtas que lo monde vivon sovent dins sostas de fortuna.
4Montenegrò proclamèc dissàndes son independéncia, doas setmanas après la chausia per referendom de se separar de Serbia. Milo Djukanovic, lo premier ministre vòu l'integracion de son país dins l'Union europenca e dins l'aliança atlantica dicha OTAN.
4Pendacòsta : una situacion incoërenta. Après la decision absurda de dos ans fai, lo luns de Pendacòsta foguèc encara, aqueste an, l'ocasion d'una brava panica. N'i a que trabalhavan, n'i a que trabalhavan pas, n'i a que recuperavan... L'operacion faguèc chic. Lo pretexte era d'ajüar los vielhs mas la realitat era una mesura de brimada per los trabalhaires en lor fasent perdre una jornaa de congier.
4Clearstream - Riu clar, l'afaire se contunha amb l'aparicion d'un protagonista novèu. Lo pirate informatica qu'a faussifiat lo listing auria, segon Joan-Loís Gergorin, rapòrt au ministèri de la defensa nacionala. La mascarada es pas achabaa.
4Radeliers de Durança : coma de costuma, los radeliers de Durança an fach l'espectacle, dimenja, entre Sant-Clemenç e Ambrun. Faire reviure la tradicion es aquí una proesa esportiva e poiem felicitar aquela chorma coratjosa e plena de vam que contunha chasqu'an de mestrear lo cors tumultuós de Durança sus de bilhas de bòsc amb liames de cordatge.
4I aguèc monde per anar vèire los lops installats dins lo pargue "la montanha de las dormilhosas". Van restar aquí dau temps de tres meses davant de tornar a la lovaria dau Castelet, dins Var, qu'es lor pargue d'origina.
A la setmana que vèn.
Michèu Prat
Data de creacion : 08/06/2006 - 21:36
Darriera modifiacion : 08/06/2006 - 21:36
Categoria : Radiò en Oc
Pagina legia 5960 fes
 Davant-veire la pagina
 Imprimir la pagina
|
![[fr]](inc/lang/fr.gif)
![[oc]](inc/lang/oc.gif)
Presentacion
Presentacion
visitaires
Reaccions a n'aquel article
31 membres
Aut