Les escolans de provençau-lenga d'oc de la villa de Dinha dei Banhs se son rechampats lo divendres 15 de decembre 2006 a la sala de l’Ermitage per festejar Nové lo temps d’una seraa duberta en totes. Tre 19 oras, aqueles des escòlas de Beausoleil e Paul Martin prepauseran un pichon espetacle de comptinas e chansons a mai de 100 personas -parents e amics- achampats aquí.
An chantat e dançat: Puerc gras, los rosiers ... au son dau galobet e dau tamborin de Joan-Peire, lo musicaire; e los mai grands , ambé la mameta, an dich de devinalhas.

Es Patric Erard , musician contaire de la valèia d’Ubaia que presentèt puèi quauques contes e chansons acompanhats de sa vièla

Coma chasqu’an la seraa s’acabèt , a l’entorn de la taula clafia de fruchas, pompas e autres desserts de Nové.
Chau grammarceiar Joan-Peire , lo cosinier per lo vin chaud, Silvan Girieud, lo coordonator dau Contrat Educatiu Locau de la vila e los parents d'escolans per lor ajua.