RAPORT D’ACTIVITATS per 2006 / 2007

Achamp au Consèu Generau deis Aups de Provença Nauta (2006):

A l’iniciativa de M. Marcel Clement en charja de la lenga provençala au CG 04 se rechamperan de conselhers generaus, d’intervenents de provençau obrant dins l’encastre de l’accion pedagogia, perèu J-L Blenet de la confederacion dei calandretas. Chifreran sus una politica despartamentala per la mesa en valor de la lenga d’oc. Prumiera decision concreta : lo CG 04 mandarè dins chasca escòla dau despartament una enquista onte lei mestres diràn sei besonhs e sei demandas tochant lei cors de lenga d’oc per la rintraa de septembre.
Aqueste « comitat » entamenarè un travau mai priond tre lo mes de junh, un viatge lei respòstas tornaas.
Perèu una rubrica en occitan deuriá trobar sa plaça dins la revista dau Consèu Generau deis Aups de Provença Nauta.


Rescontre au Consèu Generau deis Aups Nautas:

Una prumiera sason de reflexion sus la lenga e la cultura regionalas se tenguèt au Consèu Generau 05 a l’iniciativa de M. Jaussaud, conselhier generau gapian en preséncia de M. Massot, President-junh, e de M. Siri, en charja de la cultura. Se mostrèt un interest grand per la colecta de la memòria. De notar que l’IEO04/05 e l’Espaci Occitan l’i èran ben representats e que fagueron de prepausicions concretas dins lo sens de l’avenir de la lenga d’Oc. Leis elegits semblan prestes d’ajuar mai la lenga e la cultura occitanas portaas per de « projectes novators « aguent « l ’assentiment de totes» dins lo sens de la « mai granda concertacion ». De comissions se son mesas en plaça e se son retrobaas sovent mai fuguèt dificile d’avançar mai concretament. Resulta : lei 30 000 € previstes per 2007 saràn pas despensats fauta de projectes…


Rescontre a la Chambra d’Agricultura deis Aups Nautas:

A l’iniciativa de J-M. Passeron, perèu conselhier generau gapian, se l’i tenguèt un rescòntre per fin de definir l’identitat despartamentala. Lei presents èran mai que mai d’actors dau monde economic. L’IEO fuguèt quasi un dei solets de parlar de cultura identitaria puslèu que d’identitat comerciala.


Rebola deis escolas de Dinha (04):

En junh se fai la "Rebola" des talhiers de lenga e cultura occitanas des escòlas de Dinha : espectacle per lei dròlles e animacion musicala.


AG de Laranha lo 20 de mai de 2006 :

Tengueriam nòstra darriera Assemblaa Generala a Laranha, a la sala Buech, lo sandes 20 de mai de 2006 en preséncia de doas elegits aupencs ; Dòna H. Martinez, députat e cònse de Laranha e Sénher Auguste Truphème, President dau Consèu Generau 05.


Stage académique FSU - lo 19 de mai de 2006 - Provençal à Digne:

Participacion de mantuns dei sòcis de l’ L’Institut d’Estudis Occitans 04/05


Estagi informatica en occitan :

L’Institut d’Estudis Occitans 04/05 - Espaci Occitan deis Aups organizèt son prumier estagi informatic ambé Frederic Di Gallo coma formator. Eriam gaire nombroses totun aprengueriam ben coma intervenir e integrar d’informacions sus nòstre siti. Un autre estagi informatic de basa en occitan prepausat per Jòrgi CAMANI fuguèt malurosament anulat fauta de monde


Descuberta en Devolui lo 17 de junh de 2006:

Apres-dinnar e velha a la Maison dau Còl dau Festre en musica amb lo grope « La Cisampa ».


Vengüa de Xavier Bach:
Après l’arribaa d’una capessiana l’an passat dins las Aups de Provença, aqueste an son las Aups Nautas que veguèron arribar son Capessian ! Xavier Bach de Tarn e que l’i tòrna ! Esperam dos novèus capessians per la rintraa de 2007/08.


CONCERT : Renat Sette e Joan Ives Roier en concert a Gap (2007):

Espectacle majuscule dissande, lo 24 de febrier a Gap. L'institut d'Estudis Occitans - Espaci Occitan dels Aups avia conviá lo chantaire Renat Sette e lo contaire Joan-Ives Roier per una seraa mai qu'agradiva als Penitents. Dins l'acostica chauda d'aquesta chapèla anciana, la votz de Renat Sette, plena de chalor, de doçor e d'emocion, faguèc vibrar las vòutas e lo public dins chançons tradicionalas dau terraire aupenc e provençau. Un pauc de piemontés, d'occitan totjorn, la traç que bèla lenga de nòstres reires ressonava coma s'avia jamai laissá lo país. Joan-Ives Roier nos rementèc qu'istoricament, fasiam partia dau Comtat de Forcauquier e nos contèc un molon de troces dau nòstre patrimòni orau : comptinas dels dets, mimologia de las bestias, anecdòtas e morcèus de vita, de que se bèn regalar. Dau jau a l'ase, dau buòu a la pintada e dau dindon au chat, las imitacions remarcablas dau contaire nos menèron dins qu'au país dels sòmis e dau pantais, quielant de realitat.( Texte de Michèu Prat)


Atalier « Misteris » :

Animat per Alícia ALLOUIS amb 11 sesilhas, es un atalier de lectura e d'expression es dubert en totes, començaires, desbrolhats e saberuts de la lenga nòstra ; lectura teatralizaa dau tèxte.


Teatre occitan per les escolans dins les Aups de Provença Auta :

Dau 26 de març au 6 d’abriu, de teatre en lenga d’Oc per les escolans de Provença Auta ambé « Lo lop » una creacion per les joines de Gèli Buonomo e Ives Durand de la compania La Rampe - T.I.O. Aquela viraa de16 representacions rechampèt mai de 2500 escolans : es organizaa per l’Animacion Escolara d’Oc ambé l’ajüa dau Consèu Generau dau 04, lo Consèu Regionau PACA e las municipalitats dels Aups de Provença Auta.


Teatre occitan per totes a Laranha :

Amb la vengüa de la còla dau teatre de la Rampa, la Municipalitat de Laranha (05) e sa Mediateca decidiguèron de reçaupre un espectacle en occitan l’apres dinnar per lei dròlles e lo sera per totes amb « Beloneta » conte fantastic lo 13 d’abriu a Laranha.


Dubertura de l’Espaci Occitan de Gap :

Nòstra librariá de l’Espaci Occitan es duberta per Estafan Vial- Jaime chasque dimecres apres-dinnar.


Tengüa d’estands de libres :

De sòcis de bòna volontat tenguèron d’estands de libres e discs de l’IEO 04/05 un pauc d’en pertot dins la region e autra part .
- Colòqui de l’AELOC a Port-de-Bouc (13 )
- Estagi IUFM à Digne (04 )
- Fête des CEL à Digne (04)
- Escòla Occitane en Provença a Sant Peire d'Argençon (05)
- Jornaas Occitanas de Tueis (Ardecha)
- Jornaa dau libre occitan de Sant Orens (Nauta Garona)
- 30 ans de l’IEO 06 a Grassa
- Fèsta dei Tradicions dau Rochasson a Gap (05)