Nové occitan per los escolans a Dinha dei Banhs.

Un trentenat de pichòts ambé las doas ensenhairas – Mi-Jo Allard e Ania Martel- an presentat, lo dimars 18 de decembre a la sala de l’Ermitage a Dinha , un espetacle tot en occitan.

Au programa :

• Chant : La gabia de l’aucèu
• Ronda : Mon paire m’a donat….
• Chant : Cantem Nové
• Dança : L’autre jorn sus la montanha…
• Dicha : Turlututu !
• Teatre : Las braias nòvas.

Aquest’an avian conviat lo grope de chant corau « Mesclun » ben conoissut dins nòstre despartament, que chantèt a capella de Novés de la tradicion provençala e tanben quauquas chançons dau relarg occitan mai grand.

Que jòia quora pichons e grands, public e cantaires mescleron sei votz per « Diga Joaneta » e l’inevitable « Se canta » !

Era de remarcar la presencia de Mma Agnes Philip , conselhera municipala e de Silvain Girieud encharjat dau Contat Educatiu Locau a la comuna de Dinhae pereu d’un public fòrça nombros .
La seraa s’acabèt , a l’entorn de la taula clafia de fruchas, pompas e autres desserts de Nové.

Veire pereu l'article de la Marseillaise dau dijous 20/12/2007:

Per tota entresenha :

• Contrat Educatiu Locau - Lenga e cultura occitanas. Escòla Pau Martin . Av . P. Martin 04000 Dinha dei Banhs
• ò Contrat Educatiu Locau - Lenga e cultura occitanas. EscòlaBeusoleu . Ch. des argelas 04000 Dinha dei Banhs

Data de creacion : 23/12/2007 - 14:14
Darriera modifiacion : 23/12/2007 - 14:59
Categoria : Seraas
Pagina legia 3063 fes

 Davant-veire la pagina      Imprimir la pagina