RAPORT MORAU

Fasem aqueste an un bilanç sus un periòde cort, estent que coma lo sabètz nòstra novèu Consèu d’Administrança fuguèt elegit au mes de septembre passat, e que siáu presidenta simplament dimpièi 7 meses.
L’IEO / Espaci Occitan ten lo còp e tenguèt lo còp maugrat lei dificultats qu’agueriam ambé la fin dau contrat de trabau de nòstra salariaa e ambé lei dificultats qu’avem totjorn per se far conneisser e reconneisser.

Totun, vodriáu pas insistar sus lei dificultats mai puslèu sus lo travau que fagueriam, que fasem e que farem.
Vos vodriáu dire merci en totes per çò que fagueriatz, chascun a son nivèu, per faire avançar l’idèa d’occitanisme e per valorizar l’occitan.
Sabem que la demanda l’i es : mai sabem pas totjorn onte e coma la rescontrar…
Lei dròlles, lei grands, leis ancians, leis escòlas, lei colectivitats, totes son demandaires a n-un moment o un autre. Lo probleme es de respòndre.

Penso que nos fau pas aguer paur de partir un pauc d’en pertot, es coma aquò que farem avançar nòstreis idèas.
E sincerament penso qu’avem avançat : lei CEL, lo Teatre, lei Bistroc, lei descubertas, lei libres e leis espectacles son de punts de contactes entre nosautres e de monde que son demandaires o que chassan quauquaren …

Avem besonh de nos faire coneisser e totas vòstras idèas saràn benvenguas.
L’an passat fugueriam mai de 50 per prener la carta de l’IEO, es una aumentacion, pròva de l’interest dei gents per sa lenga e son país e de la vòlha de l’IEO 04/05.

Esperam que d’esser encar mai nombroses per contunhar.