Estent la data de nòstra AG, aqueste rapòrt morau concerna una periòda un pauc luenha.
Nos es pas estat possible de rechampar lo monde dau burèu e nòstre expert comptable un jorn de 2008.
Es per aquò que se retrobam encuei.

Vos prepauso donc de gardar en tèsta que parlam de 2007, un an onte leis activitats fuguèron pron importentas.
Penso davans tot a la manifestacion de Besiers onte eriam nombroses e per que fagueriam lo viatgi en car. Penso perèu a l’estagi d’occitan aupenc de l’automn, e aquí vòlo saluar lo travau de Gerard Ligozat, Felipe Martel e Jaume Jaussaud ; un estagi que l’i vengueron un vintenau de personas, que mostrèron son interest per lo nòrd occitan e son ensenhament.
Retrobarètz lo restant de nòstreis activitats dins lo rapòrt que l’i sarè consacrat.

Estent que siam en 2009, dirai un mòt sus l’activitat de 2008. Es estaa ben reducha, o sabem totes pron, lo regretam.

Vos devo fa part de la decision d’Estefan Vial Jaime, nòstre clavaire, que s’engaja a contunhar son òbra - entre autra la lorda gestion de l‘ensenhament dins lo 04 - per 6 meses encar. Es a dire que s’arrestarè au mai tard fin de julhet de 2009.

Vos devo far part de ma decision personala de laissar encuei la presidéncia de l’IEO 04/05.

Sarè segur au monde novèu que prendràn part a la vita de l’IEO 04/05 de mandar l’associacion sus una dralha novela. Fai besonh d’un dinamisme novèu.