Per sostenir l’inscripcion de la Lenga d’òc dins la lista de l'UNESCO Patrimòni Immaterial a risca d'extincion / Urgenta sauvagardia e per renforçar la manifestacion dau 24 d’octobre de 2009 a Carcassona “Anem Òc ! per la lenga occitana”

Es un projècte en ret concebut per la Chambra d'òc.

Chaminem per Òc es un projècte que se prepausa de botar en ret, de las Valadas Occitanas d’Itàlia a l’Occitània granda e la Vau d’Aran en Catalonha, de chaminaas per sostenir l’inseriment de la lenga d’òc dins la lista UNESCO Patrimòni Immateriau de l’Umanitat e per sostenir la manifestacion de Carcassona “Anem Òc! Per la lenga occitana”, lo 24 d'octòbre de 2009.

Per aquò, la Chambra d’òc a ideat una marca de qualitat e de ret per l’iniciativa sonaa “CHAMINEM PER ÒC !, prepausaa dins las grafias classica e mistralenca e dins las versions pan-occitanas mai comunas de “Chaminem per òc !” e “Caminem per òc !”. La marca pòt èsser descharjaa directament sus internet. www.chambradoc.it.

Coma se debana l’iniciativa ? Dau 1 d’abriu au 23 d’otòbre de 2009, las Associacion, las Comunas, las Associacions de Comunas, los Oficis dau Torisme, los Pargues, los Ecomusèus, los Despartiments, las Regions e totes aquilos que n’an l’envea pòon prepausar una iniciativa de chaminaa d’una o mai jornaas que dise lo jorn, lo luec e l’ora de partença amb una pichòta  descripcion dau percors e mai los riferiments de l’associacion o de l‘ent responsable de l'iniciativa.

La Chambra d’òc s'engatja a coordonar l’iniciativa en publiant lo calendier complet de las  prepausas de las chaminaas.

Las entitats qu’aderisson a la ret s’engatjan a botar la marca de ret dins la publiacion de lor iniciativa e a far conéisser au publique mai larg e als mass media las miras que son prepausaas.
Totes aquilos qu’an aderit a la ret “Chaminem per òc !” s’engatjan a reflechir sus una iniciativa  comuna que rende visibla a Carcassona la ret que s’es creaa e las iniciativas que son estaas  realizaas.


I.E.O. 04-05
Espaci Occitan dels Aups
21, charrièra de l'Estamparia
05 000 Gap / Occitània
Tel., Resp., Facs : 04.92.53.98.40
Corrieu : info@espaci-occitan.com