- Dissandre, lo 20 de junh de 2009 : « Lo torn de ronda de Chaudun ». Mapa
- Dimècres-dijòus, los 5 e 6 d'òst de 2009 : « Sant-Vran - La Chanal - Sant-Vran » amb una nuèch au refugi de La Chanal, en 'quò de Bregita ! Mapa
- Diluns-dimarç, los 17 e 18 d'òst de 2009 : « Celhac- Maujacet- Celhac » amb una nuèch au refugi de Maujacet. Mapa
- Diluns-dimarç, los 24 e 25 d'òst de 2009 : « Agulha- Fons de Cervièra - Agulha » amb una nuèch au refugi dels Fons de Cervièra. Mapa
- Dissandre, lo 26 de setembre de 2009 : « Lo Piolit ». Mapa


Aquestas « Chaminaas d'Òc » se fan sus l'organizacion de l'I.E.O. 04-05 Espaci Occitan dels Aups, mas l'associacion se vòu desgatjar de tota responsabilitat penala o juridique que pòt pas soscriure una assegurança ofrissent una cubertura medicala a totes los participaires. Es per aquò que demandem a chascun(a) de venir sota sa pròpria responsabilitat e de signar una descharja certifiant que demandarà pas de compte a l'organizator en cas de sinistre o de problèma medicau survengut au cors d'una o l'autra de las passeaas.
Chascun(a) participa a títol individuau coma se faria se fasia una passeaa en familha o entre amics.
Chascun(a) dèu èstre capable de conéisser son nivèu de marchaire e son nivèu de forma per saupre se poirà o pas participar a l'una o l'autra de las sortias.
Ben segur, prendrem pas de risca amb la meteo que la passeaa sarà annulaa en cas de temps marrit (chavana o pluèia). Partirem solament se la meteò es segura e establa. Per chascuna de las chaminaas, la decision finala sarà presa lo matin mesme e communicaa a totas las personas marcaas per la randonea. Importança de ben donar sas coordonaas (fixe e mobile) sus lo fuelhon de participacion.
La data limita per se marcar es fixaa au dimècres 27 de mai que nos chau reservar los refugis amb un nombre ja coneissut de participaires per las nuechaas. Los refuges e gites an de nombres de plaças limitats e poièm pas retenir mai que ce que nos donaràn. Mandatz vòstra inscripcion au mai lèu per èstre segur(a) d'estre servit(-via). Recebretz una confirmacion per chasca passeaa que vos li saretz marcat(-aa).