Aquò se debanèt les 11, 12 e 13 de novembre de 2005. L’Ofici dau Torisme organisèt aquela manifestacion en Pais dinhenc per veire, practicar, apprendre e comprendre les danças tradicionalas, danças popularas e danças dau monde.

Lo programa artistic anava dins lo biais de la diversitat culturala : de la tradicion locala as culturas d’Europa e dau monde ; tot aquò menat per Maya Mihneva professor de danças tradicionalas a l’Escòla Nacionala Despartamentala de Musica, d’Art Dramatic e de Dança.

Nosautres, musicaires de Cisampa, avem passat l’après miegjorn dau 13 de novembre ambé les pichòts per un talhier de descuberta de la Provença ambé musica, danças e baleti.

Son venguts un quarantenau, de 5 a 11 ans e son estats uroses de dançar : farandolas, guibauda, badoise, fricasseia… que Nicòla Gon lor aprenguèt.

Les parents tanben, se son mesclats a la festa.

Una bòna escasença de conoisser lo patrimòni occitan, faire lo liame entre ancians e joines, passat e present, tradicion locala e universalitat !

Aquelos de Cisampa.