Vaqui lo programa dels rescontres que se son debanat dins l’encastre de l’atalier « Devisem ».
Aqueste atalier de pratica linguistica es dubert en totes, tant aquelos que se sentisson capable de tenir una conversacion coma aquelos que vòlon començar per escotar davant de se mandar au banh e d'assaiar de barjar.
Chasque còp i a un tema per la barjadissa. Coma aquò, aquelos que vòlon preparar un pechon quauqua ren pòion presentar son trabau: poesia, esqueche, pechona lectura, fatòrga...
Se debanan totjorn au seti de l'associacion "I.E.O. Espaci Occitan dels Aups", 21 charriera de l'Estamparia, a Gap / Occitània. L'atalier comença a sieis oras e s'achaba a set oras e quart o set oras e miea. Se debana un vèndres dels dos.


Divèndres, lo 2 de decembre de 2005 :

• Las eresias

Los participaires an de se documentar sus l’istòria dels vaudeses, catars. Un molon dels premiers s’eron refugiats dins las valaas autas de la nòstra region.

Divèndres, lo 16 de decembre de 2005 :

• La vita d’aquelos d’un còp era

Videò-conferéncia d’Andrieu Faure sus lo libre « Les neiges d’antan ». Chascun(a) pòt adurre testimònis, istòrias, fotografias... per contar la vita dificila mas solidaria dels estatjans de las nòstras montanhas au segle passat.

Divèndres, lo 6 de janvier de 2006 :

• Lo Cairas

Una de las valaas las mai coneissüas dau nòstre despartiment. La vita eilamont, los us e costumas, lo terraire e la lenga. Au temps passat e encuei.

Divèndres, lo 20 de janvier de 2006 :

• Las confituras

E vos, quela frucha amatz-vos ben metre en confitura. Vòstra receta preferia. Farem un juec de devinaire per reconeisser los gostes de quauquas fruchas. Uelhs bendats. Chascun(a) adutz de que tastar.

Divèndres, lo 3 de febrier de 2006 :

• La republica dels escartons

Un moment d’istòria dau país nòstra. Una mena de democracia davant l’ora. Cairas, Briançon, Olx, Fenestrella e Chasteu-Dalfin.

Per mai d'informacions, veire aquestos sites:

• Le cercle occitan - les escartons.
  
• Le cercle Frédéric Bastiat - Exemples d'état minimum
  
• Briançon et la république des Escartions.
  

Divèndres, lo 3 de març de 2006 :

• Libres dau país

Émilie Carles, Antoinette Meissimily, Marie Nicolas,... Parlarem en occitan d’une literatura francesa estachaa au país.

Divèndres, lo 17 de març de 2006 :

• Las plantas medecinalas

Los remedis, tisanas, enguents... a basa de plantas. Poetz adurre libres, documents per pertear aquelas coneissenças.

Divèndres, lo 31 de març de 2006 :

• Lo Buech

Un terraire virat au sud. Passatges vers Droma, Isera e país sisteronés. Durbon, Bertaud, Istòrias de fé, istòrias de religion.

Divèndres, lo 14 d’abriu de 2006 :

• Las bestias de montanha

Tota una fauna interessanta e especifica pòpla nòstras montanhas. Viatge au país de la dormilhosa, dau chamós, de l’agla e dau blanchon.


S'avetz de temas de prepausar per d'autres ataliers, sarietz brave de les donar a l'animator.