La Halha - Boisson Divine (CD)

La Halha - Boisson Divine (CD)

Boisson Divine que vadó en 2005 de l’encontre enter lo Baptiste Labenne (Guitaras, baisha, cant, boha…) e l’Adrian Gilles (bateria, cant), repectivament atjats de 14 e 15 ans a Riscla, sus las tèrras hautas deu Gèrs.

D’aqueth moment ençà, la volontat de crear composicions personaus qu’i ei. L’estile musicau qu’ei lèu e normaument trobat. Que serà ua mesclanha enter identitat gascona e Heavy Metal. Ua fusion enter tradicion e modernitat, cantada sia en francés sia en lenga nosta.

Las influéncias reivindicadas que remandan au Heavy Metal de las annadas ueitantas (Accept, Iron Maiden, Saxon…), au Folk-Metal (Finntroll, Eluveitie, Dropkick Murphys…) e aus grops regionaus (Nadau, Los de L’Ouzom, Los Pagalhos…) dab en mei ua personalitat pròpia.
Los textes que son lo rebat de la vita vitanta deus musicians : rugbí, legendas vielhas, òda a la tèrra, solidaritat paisana, timponas, cants tradicionaus, sauv deu patrimòni, aumenatge aus qui hasón l’istòria.

Après quauques clars concèrts amators (lo nombre de musicians limitant l’adaptacion scenica), un exili deu batedor de cap tà la capitau pr’amor deu tribalh e un còp pro de composicions hèitas, l’enregistrament de l’album purmèr que comencè en aost de 2012. Mesclatge e mastering que s’acabèn en heurèr de 2013. Alavetz, "Enradigats" que punteja.

Boisson Divine que’s gaha lo son camin pròpi, lo d’un estile rock folk metal, solide enradigat, mes dab l’espiar puntat de cap tau pè deu cèu ! Arren non creish shens arraditz !
En 2013 au darrèr de la sortida d’Enradigats, lo grop que recep un arcuelh deus calorós de la premsa especialisada atau plan com d’autes mitans mens esperats: mitan tradicionau e monde deu Rugbí.

Puèi ven l'album « Volentat » a la debuta de 2016.

Fin finala, La Halha es lo tresau album deu grop de Fòlc Metal gascon Boisson Divine. Aqueth LP de 58 minutas qu’ei mei matur, seriós e epic. Tot en demorant fidèu a las soas arraditz, lo grop n’a pas paur d’evolucionar dab de navèras influéncias finament incorporadas : filmes Western, Neo- classic, Blues, Power Metal… Aqueth album qu’ei un vertadèr viatge capvath l’istòria, lo present e lo futur de la Gasconha !

CD amb libret : paraulas de las cançons en occitan.

Adreit, una partison de Brennus Music.

Titols:

1. Lo pèla pòrc » (5’01)
2. Novempopulania » (4’39)
3. Suu camin estelat » (5’02)
4. Xivalièr de Sentralha » (5’05)
5. Rei de Suèda (Sveriges Kung) » (8’50)
6. La Sicolana » (6’32)
7. Abelion » (5’44)
8. Un darrèr còp » (4’04)
9. Libertat » (3’30)
10. Milharis » (10’02)

Estrachs: