0 0
 

Recently added item(s)

Aucun produit

Free shipping! Expédition
0,00 € Total

Commander

Produit ajouté au panier avec succès

Quantity
Total

There are 0 items in your cart. There is 1 item in your cart.

Total products (tax incl.)
Total shipping (tax excl.) Free shipping!
Total (tax incl.)
Continue shopping Proceed to checkout

Artistas

Talhs - Jaumes Privat

Based on 1 review

Show reviews

L-9782905213108

New

1 Item

Dins l'estòc

15,00 €

15,00 €

Talhs - Jaumes Privat. Recuèlh de poësia occitana. Sas composicions, encara que variadas, dobrisson, a la confluéncia de la votz bandida dins lo silencipus absolut e de la linha dessenhada amb rigor sus lo papièr, los camins d’un itinerai sens concession. Edicions Jorn.

More details

STATIC BLOCK

Data sheet

TypeBroché
Année1996
Lengaoccitan
Pages136
Format14 x 22 cm
DistributeurJorn
ISBN2-905213-10-8

More info

Talhs - Jaumes Privat

Poëmas occitans.

Talhs, de Jaumes Privat A Lescura-Jaol, en Roergue, Jaumes Privat es en cèrca d’una escritura a l’encòp exigenta e capabla de renovelaments. Son òbra, nascuda en parallèl d’una recèrca de pintre e de plastician, mai coneguda, a fach de l’occitan sa matèria, al sens estricte del mot.

Fin a la publicacion de Talhs, èra pro dificil de legir aquela òbra poëtica, esparpalhada dins mai d’una revista, o reservada a de libres d’artesan, realizats pas qu’en nombre d’exemplars plan reduches.

Talhs permet de mesurar tota l’originalitat de Privat dins l’escritura occitana d’ara e, mai largament, dins los experiments de la poësia de son temps. Sas composicions, encara que variadas, dobrisson, a la confluéncia de la votz bandida dins lo silencipus absolut e de la linha dessenhada amb rigor sus lo papièr, los camins d’un itinerai sens concession. Talhs, a l’encòp nafras, entalhas e partatge dels monds, se tasta e se medita coma una primièra soma : la votz s’i fa via, e los mots, dispausats dins l’espaci de la pagina, s’i cargan de rebats e de ressons novèls. Sons, signes e senses.

Mèfi ! Es sai que par aquò que lo libre prepausa pas de version francesa.


Edicions Jorn.


Anguis in terra. 1. se far al signe dubèrt : fargar fuèlhas fòra lo cèl. Lo temps alai a prendre : monta-davala. 2. l'aiga del vuège fa l'abséncia de la font...


L'autor:
Jaumes Privat es nascut a Espalion (Avairon) en 1953. Sas primièras poësias son de 1968 : en francés, dessenhadas, pintradas. En 1970, passa la lenga d’òc aprèp son recontre amb Roland Pécout. De 1971 a 1975, viu lo moment militant de Lucha occitana. Contunha d’escriure e de pintrar, mas refusa d’èstre publicat. Es l’autor de cançons per los grops Cardabèla e Ara. Quita d’escriure entre 1975 e 1982, l’an que, pel primièr còp, met en mòstra de pinturas a la Mòstra del Larzac. Aquel eveniment es ligat a son rescontre amb Fèlix-Marcèl Castan, animator d’aquela importanta manifestacion artistica e pilar de l’occitanisme contemporanèu, uèi desaparegut.

En 1983, Privat publica pel primièr còp de poësias dins las revistas Òc e Jorn. Aquel an tanben, rescontra Bernat Manciet, que lo sosten total que li pòrta lo buta a crear, encara que contunhe de demorar, de sa quita volontat, en fòra de l’edicion. D’aquel moment, Privat multiplica las preséncias sieunas, coma plastician e coma poèta amb l’estilò, de la mòstra al happening. A comptar de 1995, comença de fabricar una tièra de libres religats a la man (Los Faissets), que los realiza dins son obrador de La Talhada. En 1996, publicason primièr recuèlh de poësia, Talhs, a Jorn. De novembre de 1997 es l’espectacle Cantas de lunas e de pèira, qu’el n’es l’autor e un dels actors.

Los critics pus competents del país d’òc son estats los testimònis màgers de son òbra e sos grands lectors en public. Privat es collaborator, per d’articles e de tèxtes de creacion, a las principalas revistas occitanas. Es tanben estat lo director de Poesia occitana contemporània (1940-1990), numero especial de la revista catalana Reduccions (1991). Es tanben l’autor de tèxtes per de compositors de musica contemporanèa coma Nicolas Wohrel (Ascla del jorn, 2003) e contunha sa collaboracion amb le cantaire Luc Aussibal (CD Ici-même, 1996, e Dedins, 2003). Passèt lo cambiament de millenari en Etiopia. La descubèrta d’aquel « endacòm mai » lo confortèt dins l’exploracion d’aquel « aicí-mai » qu’el quita pas de lo desplegar, dins totes lo senses del terme, en mots, en lenha e en pintura.

Reviews

Aucun commentaire n'a été publié pour le moment.

Write a review

Talhs - Jaumes Privat

Talhs - Jaumes Privat

Talhs - Jaumes Privat. Recuèlh de poësia occitana. Sas composicions, encara que variadas, dobrisson, a la confluéncia de la votz bandida dins lo silencipus absolut e de la linha dessenhada amb rigor sus lo papièr, los camins d’un itinerai sens concession. Edicions Jorn.

Write a review

Customer reviews

Reviews about this product
0
1★
0
2★
0
3★
0
4★
1
5★
10/10


Based on 1 review

  • 5

    Melhor qu'Amazòna ! Viscan las librariás independentas !



Les clients qui ont acheté ce produit ont également acheté...