La Bòria delh bestial - George Orwell (Joan Ros)

La Bòria delh bestial - George Orwell - Revirada occitana de Joan-D. Ros

(Animal Farm)



Illustracions de Georges Sarre.

Exasperats pels marrits suènhs que los mèstres lor fan endurar, las bèstias d'una bòria se revòltan e bandisson los umans. Van ensajar d’inventar una societat novèla, mai justa e mai frairenala ont podràn viure en patz, que seràn pas pus los esclaus de degun. Dins lor libertat tota nòva, las bèstias se rotlan dins la rosada, paisson l'èrba tendra, estabosits per tant de bonaür. La vida vertadièra pòt començar, puèi que ara "totas las bèstias son egalas".
Trabalhan amb estambòrd a faire valer aquela bòria devenguda lor bòria, la Bòria delh bestial, mas pauc a pauc, mai assabentats e mai rusats, los pòrcs Napoleon, Bolladeneu e Quilaire se van prene lo poder...

Una de las fòrças d'aquel libre es d’ofrir mai d'un nivèl de lectura, aquí perqué se pòt legir a tot atge : los mai joves i veiràn un conte animalièr viu e miragalhat, mentre que los bèls i poiràn veire una satira ferotja de las revolucions traïdas... Cadun i tastarà un plaser vertadièr.
Rai, un dels melhors contes filosofics jamai escrichs.

Edicion Ostal del libre, colleccion Racontes.

Extrach:

Los comandaments fuguèron escriuts sobre la paret enquintranada en grandas letras blanchas que se podián legir trenta pas d'alai. Disián coma aquò :

LOS SÈT COMANDAMENTS :

1. Tot çò que vai sobre doas chambas es enemic...