L’uòlh del buòu - Ivona Beaume

L’uòlh del buòu - Ivona Beaume

« Ivona obsèrva lo mond a l’espèra de l’eveniment. Son inspiracion es sens bòlas que se va noirir de l’actualitat, d’anecdòtas, d’articles scientifics coma d’istorietas de uèi o dau passat, de la vida vidanta fin finala. Fina cosinièra, dins sas recèptas coma dins sos escriches, sap ajustar la punta de sal que dona de gost o apondre los qualques grans de pebre que fan ressortir sa composicion mas tanben lo vinagre quand li sembla necite e que las circonstàncias ne fan mestièr ».

Aqueste libre recampa, de passejadas en soscadissas au fial de l’aiga, de cronicas que la primièra espeliguèt dins lo temps de la covid. Volgut bilingüe per fissar la curiositat dels novèls estatjants aculhits en riba de Taur ; mas tanben per tornar donar lo chuc e lo muc de sa lenga a aqueles d’aquí.

E…rau! Edicions, en coédition avec Le cercle occitan Lo Buòu.

L'auteur:
Ivona Beaume nasquèt lo 29 d’abril de 1941 a Mèsa, en ribas de l’estanh de Taur, e i foguèt noirida tre l’enfància de bona lenga d’òc. Après un eclipsi professional longàs, l’estanh e lo temps retrobats daissèron una placeta a l’enveja de tornar trapar la lenga nòstra, a l’oral bèl primièr. Còp d’astre ! Un dels nombroses cercles d’Erau l’aculhiguèt braces dobèrts, aquí dins son quite vilatge.
Mas lèu-lèu, la panta de daissar un quicomet d’escrich dins aquela lenga se faguèt sentir, e tot èra a apréner… Calguèt qualques annadas. Mas, aicí sèm.

Extrait:

PLASER DEL VIN, PLASER DELS DIEUS

29 de setembre de 2020

Vaquí vengut lo temps de las vendémias, lo temps ont los vinhairons acaban lor trabalh de l'annada, per nostre plaser (e un pauc per lor moneda).

Qué de melhor qu'un bon vin que, a la debuta, vos atissa las papilhas per sa color, per sa nolor, abans que de davalar dins la gargamèla amb la doçor del Paradis? Un vin que, sonque de ne parlar, lo gost sen torna sus la lenga d'annadas de temps et qualque cóp per totjorn.

Qué de melhor encara qu'un bon vin sabentament trabalhat amb amor, per donar d'aperitius o de vins de dessèrts, vertadièrs nectars, que vos empórtan en defora del temps, tot solet e content de l'èstre, fácia a vóstre plaser, lo temps de tastar e de se regalar.

Mas leu leu, lo desir de far partejar aquel plaser del vin amb d'amics que lo sabon presar, l'empórta. Pr’aquò, cal trapar lo plat que se marida amb lo vin causit. E quand l'alquimia del cèl de la boca e de l'amistat es al rendètz-vos, alara es un bon moment qu'es a viure, e que demorarà dins las memórias, donant l'enveja de tornar començar.

--

PLAISIR DU VIN, PLAISIR DES DIEUX

29 septembre 2020

Voici venu le temps des vendanges, le temps où les vignerons achèvent leur travail de l'année pour notre plaisir (et un peu pour leur argent).

Quoi de meilleur qu'un bon vin, qui au départ vous attise les papilles par sa couleur, par son arôme, avant de descendre dans le gosier avec toute la douceur du Paradis. Un vin qui, rien que d'en parler, son goût en revient sur la langue pendant des années, et quelquefois pour toujours.

Quoi de meilleur encore qu'un vin savamment travaillé avec amour, pour donner des apéritifs ou des vins de desserts, véritables nectars qui vous emportent hors du temps, tout seul et content de l'être, face à votre plaisir, le temps de goûter et de se régaler.

Mais très vite, le désir de faire partager ce plaisir du vin entre amis qui savent l'apprécier, l'emporte. Pour cela, il faut trouver le plat qui se marie avec le vin choisi. Et quand l'alchimie du palais et de l'amitié est au rendez-vous, alors c'est un bon moment qui est en train de se vivre et qui reste dans les mémoires, donnant l'envie de recommencer.