Agost de guèrra - Miquèl Decòr - ATS 179

Agost de guèrra - Miquèl Decòr - A tots 179

Menerbés e Montanha Negra, País Bas e ¨ma,ast_m de Sait; de Cprbo_ras e, Carcassés, campestre e ciutats, una tencha de verdet a picassat lo païsatge. 40-44, un país de Cocanha vira a la marrana. Entre milícia e gestapò, paur, necitge e desnóncias, la terror s'espandís qu'embarra encara los darrièrs èimes macats dins un non-dich crentós...

Collection A Tots n°179, IEO edicions.

Article critica:

Miquèl Decòr es mai que mai conegut per poèta. A publicat mantun recuèlh, la màger part a las edicions Vendémias que son las de la seccion audenca de l’Institut d’Estudis Occitans. Un ostal editorial bailejat per Mirèlha Braç e Alan Roch de la Carrièra La Trivala, a Carcassona. Lo poèta Miquèl Decòr es subretot famós per aver escrich de tèxtes per de cantaires coma Patric, Martí, Eric Fraj o Pèire Brun. De cap de biais, fins ara, m’èra pas arribat coma prosator. Mas aquò rai, cal ben qu’un jorn carrièra comence.
Francament soi completament desvariat per aquel obratge. Relata de fachas de guèrra. Totes aquestes massacres e acrancatges militars se son produsits a l’entorn de la Montanha Negra e del País Bas que son los airals de vida de l’autor. Aquela unitat de luòc es benlèu, çò me sembla, la sola causa de coerenta de l’obratge. Per çò que vos cal saupre que trobèri pas dins lo debanar de l’òbra cap de coeréncia temporala. Los eveniments son descriches a l’azard Bautesar. Cada capítol a pas res a véser amb lo precedent nimai lo seguent. Mas aquò rai! Es normal, que se tracta pas d’un roman al sens estricte de l’objècte. Se tracta puslèu d’una cronica evenimenciala a posteriòri, valent a dire una cronica istorica. La cronica guerrièra d’una lesca donada de temps. Una temporada que lo fial conductor n’es la guèrra de 1939-1945.

[...]

Article de Sèrgi Viaule, lo 29 de març de 2014, dins Lo Jornalet.