Un papier sensa importància - Glaudi Barsòtti

Un papier sensa importància - Glaudi Barsòtti - Crimis 121

Roman policier qui se déroule en Haute-Provence dans la Drôme (Lachaup).

Collection Crimis, IEO edicions.

Extrait:

Jòga un ròc l’orquèstra. Es pron agradiva aquesta musica rauca, ritmada, que sembla sortir dei fruchalhas de la tèrra. Venguda dau jazz, e adonc deis esclaus negres raubats en Africa, es un biais de revenge d’aquestei d’aquí estènt qu’ara es una mena de musica internacionala. La trobam aicí, a Gap, e tanbèn a Moscó, a Barcelona ò a Rio-de-Janeiro. Cultura americana bòrd que foguèt fargada en America? Ò es que representa l’uniformisacion d’un monde industriau ont senhorejariá America?
“Me vòs far dançar?”
Es Danièla que parla. Càlan meis assais d’explicas e mei questions. Siam dins un cabaret, tocant lo cors Carnot. Un cabaret parier d’aquestei qu’i a dins leis estacions d’esquilhs, leis estacions balneàrias, lei vilas grandas e mai lei vilòtas. Es coma aquesteis estacions, vilas e vilòtas, Gap, per lei cabarets, e mai per la musica qu’i ausissèm. Totei parieras leis orquèstras... Tecnicament, totei bònas, mai te servisson totei la meteissa menèstra.
“Òu! De qu’as, Robèrt? Te parli, ieu! Me vòs far dançar?”