Las que dançavan dins la lutz - Joan-Frederic Brun

Las que dançavan dins la lutz - Joan-Frederic Brun

Dins aqueste volum, Joan-Frederic Brun apregondís tanben son exploracion d'un univèrs d'aparéncia plan realista, lo dels terraires de causses e de montanhas que fan lo rèire país de Montpelhièr, entre vinhas, Larzac e Cevenas. Mas coma sovent en cò d'el, es pel biais de creaturas legendàrias o mitologicas, manlevadas als racontes del luòc o nascudas, se pòt plan, des quite imaginari de l'escrivan, qu'aquela exploracion nais e se desplèga. Los limits entre realitat e fantastic ne son d'aquí trebolats, fins a se dissòlver al benefici d'una autra realitat, saique mai presenta e mai vertadièra que la que la cresiam conéisser.

"Pròsa occitana", Collection by Felip Gardy. Trabucaïre.

The author:

Jean-Frédéric Brun est connu pour ses romans et nouvelles (Septembrales, Lo Temps clar de las Encantadas) et pour le récit de sa descente aux enfers après l'accident de cheval qui faillit lui coûter la vie (Luònh). Médecin hospitalier à Montpellier, il est également le président de l'association Amistats Max Rouquette et depuis peu celui du PEN Club de Langue d'oc (section du PEN Club International).

Extract:

Una  sentida, doça mas indefugibla, lo destressonèt. Li semblava qu'èra pas sol. E pasmens lo silenci èra coma una cistèrna sens bolièiras. Abans de dobrir los uòlhs reveguèt en pensada l'ostau qu'avia visitat antan, e qu'èra benlèu aqueste, lo membre crotat amb la lònga taula de fusta, las joventas miraclosament polidas que cantavan sus estranhas e pertocantas cançons. Realitat o sòmi ? Pasmens aguel sovenir èra escrincelat dins son èime amb una precision especiaclosa. Revesiài aqueles uòlhs, grands lacs d'aiga montahòla ont tota pensada s'anava negar. [...]