La Cousino de Memèi Regino - La cuisine de Mamie Régine - Régine Courbet

La Cousino de Memèi Regino - La cuisine de Mamie Régine - Régine Courbet

Li receto anciano de la Coumtat e de la Vau-cluso, en francés e en prouvençau.     

Les recettes de Mémé Régine: recettes anciennes, bilingues, du Comtat venaissain et du Vaucluse.

Edicioun Prouvènço d'aro.

Extrait de l'introduction:

Je dédie ce livre à ma grand-mère Lucie que j'ai beaucoup aimée et qui me le rendait bien.
Elle était née pour Ste Lucie en 1872, elle n'avait pas eu une enfance heureuse, à la suite de la mort de sa mère.
Elle avait été élevée par un grand-oncle et une grand- tante, sans grande affection mais dans le droit chemin et avec de grands principes de travail et d'économie.
Ces principes que toute sa vie elle a mis en pratique et qu'elle a essayé de me transmettre.
Dans la ferme pendant que mes parents allaient aux champs, c'était elle qui faisait la cuisine. Petit à petit, elle m'apprenait, et me disait : « Regarde bien comme je fais, quand je serai morte, tu t'en souviendras.»
J'étais une petite nature, et ne mangeais presque rien à son grand désespoir tous les jours. Je lui disais : « Tu as encore fait ça, tu sais bien que je ne l'aime pas » ; «Manges-en un peu me disait-elle, il faut apprendre à manger de tout, tu verras, lorsque tu seras mère de famille, si tu cuisineras toujours ce que tu aimes ! ...»
Plus tard, elle me disait aussi : « N'économise jamais sur la nourriture, tout en ne rien gaspillant, le moindre reste s'accommode, et souviens-toi d'une chose, que la nourriture doit toujours être prête et abondante [...]

Article de presse: La meiouro biasso de Prouvènço pèr Regino Courbet

Un nouvèu libre de receto de cousino vèn de parèisse is Edicioun Prouvènço d'aro, n'en manco pas d'aquéli recuei, li veirino di libraire n'en soun clafi, se n'en trobo de touto meno, presenta en tèmo, pèr touto meno de liéume, de car vo de fru, saupica pèr d'espice, recata pèr païs vo intira de l'istòri di pople galavard…
Tant soulamen soun quàsi tóuti escrich en francés, franc de "Receto de vièii cousino prouvençalo" e de quàuqui ràris autre, adounc aqueste cop sian servi, la taulo es meso e revirado en lengo nostro, à l'aflat d'uno famiho bèn prouvençalo, la di Courbet. An tóuti mes la man à la pasto pèr nous cousina un recuei requist, Regino Courbet, la maire a pres la plumo pèr nous baia li secrèt de sa grand Lucìo, Jan-Marc Courbet soun drole, lou Majourau dóu Felibrige, i'a presta soun gàubi pèr engivana lou tèste en prouvençau coutrìo emé sa sorre Ramoundo Courbet qu'a enlusi de si dessin culinàri lou libre de Memèi Regino.
Sian de bon dins la cousino tradiciounalo de Prouvènço, vengudo d'un tèms ounte la baisso èro quaucarèn de sacra pèr la femo que l'adoubavo, coume se vèi en pourtissoun quand Regino Courbet repren li paraulo de sa grand: «Espargnes pas sus lou manja, tout en rèn degaiant, ce que soubro se pòu adouba, rapelo-te d'uno causo, que lou manja déu sèmpre èstre lèst e aboundous quouro lis ome s'entournon de l'obro, fagues jamai au mai preissa, carculo ti repas d'avanço». L'autour a retengu la leiçoun pèr nous pourgi li meiour di repas.
Lou libre coumenço coume se dèu pèr la meiouro dis intrado la soupo. De soupo de faiòu, de favo, de lentiho, de cese, e de pese, n'i'a pèr l'ivèr coume pèr l'estiéu, toujour bèn arrousado d'òli d'óulivo, es li soupo lóugiero. Li soupo grasso venon pièi, soun adoubado emé de viando, mai se ié trobo tambèn la soupo de caulet e la soupo d'espèuto bouta à couire em' un bèu garroun de porc. Li soupo d'ourtoulaio tubo à la primo emé l'espelido di pòrri, dis espinarc… En seguido vous anas lipa li dèt emé lis intrado, aqui avès dequé chausi: lou soufla au froumage, simple mai toujour aprecia, la tarto i poumo d'amour, gaire carivèndo mai deliciouso, lis iòu tambèn que se podon alesti de mant un biais, coume farçi vo en oumeleto, uno di mai goustouso es belèu l'oumeleto de cebo, à mens d'agué de rabasso pèr saboura la meiouro… Memèi Regino a d'àutris iòu dins lou panié pèr vous mai faire saliva emé lis iòu à la prouvençalo vo lis iòu en briocho.
Vènon pièi li lièume, tastas la caieto me n'en dirés de nouvello, cousinas la flour de coucourdeto descurbirés lou delice. Lou pebroun e la rataiouo soun tambèn à l'ounour…
Lou rebalun se countunio emé li viando: li civié, lou biòu, li rougnoun en sausso, lou moutoun, lou cabrit. Dono Courbet saup coume apresta li bon moucèu en de fricot que se n'en sent l'oudour rèn qu'à la leituro… La galinaio es pas óublidado… lou gibié nimai… De tian de touto meno soun gratina… Li pasto s'estiron devers li raiolo avans que d'entamena li bougneto… Li peissoun qu'à passa tèms coustavo pas gaire, faguèron lou regale di prouvençau, Memèi Regino counèis tóuti li receto d'aquéli pèis di paure, la sardino, l'anchoio vo la merlusso. Sourten de l'aigo, pèr descurbi li lipetarié de l'autour: Li cacho-dènt, lou mihas, la pasto de coudoun, la panado calendalo e lis auriheto que regalèron de generacioun de galavard. Li vin e liquour vènon arrousa tóuti aquéli sucrarié… avans que de reparti dins li counfituro e lis counservo. Counfituro de figo, de gegerido, de poumo d'amour soun tradiciounalo e pamens s'anavon óublida, Dono Courbet lis a pas mancado. Li garno, l'òli pimenta, lis óulivo cachado vo à la pichoulino an si receto…
Pèr acaba lou libre, l'autour rèsto dins la cousino, mai nous adu un doucumen quàsi etnougràfi sus uno grando tradicioun: la tuiado dóu porc au mes de desèmbre vo de janvié, nous n'en baio lou ceremouniau emai l'esplecho de la viando en cousiniero avisado, mai tambèn en vertadié temouin d'uno coustumo bèn lèu disparegudo…
Vaqui restan pas sus nosto fam, tóuti li pajo d'aquéu libre soun tant bono qu receto soun deliciouso.
Pièi es pas un libre pèr risto, es lou raconte nat d'uno cousinero prouven que nous biao gentame pichot e grand secrèt de pratico culinàri. Adouba lengo nostro pèr lou Majorau Jan-Marc Courbet, li n'en prenon que ma sabour, [...]

Article publié dans Prouvènço d'aro 147 (Juliet-Avoust de 2000).