Contratèmps - Gerard TAUTIL

Contratèmps - Gerard TAUTIL

Letras sus l’Occitania e l’occitanisme

This essay proposes analyses on Occitania and Occitanism. This work of synthesis takes stock and aims to confront and exchange ideas.

Dins aqueu libre, l’autor dòna son avejaire critic constructiu sus la question occitana acarada a tres situacions centralas, analisadas adarré. D’en premier, una mondializacion liberala que transfòrma la planèta en mercat que lei consequéncias vitalas son la subrevida de l’espècia umana e dau vivent. La situacion nevrotica puei d’una bastison politica exagonala, capitalista e centralista, qu’es l’istòria fossilizada de l’Estat francés empatolhat dins sa fasi monarcò-republicana. L’occitanisme es acarat a una situacion politica perilhosa, en cèrca de marcas renovarèlas dins un contèxte de massificacion deis idèas dominantas e d’inversion dei valors ciutadanas. Entre amira culturala, que s’agota fàcia ai condicions sociologicas nòvas qu’an transformat lo país despuei seissanta ans, e cèrca politica que trepeja d’annadas de reng, la Renaissença occitana es mai pausada aicí.

Lei responsas pòdon èstre que politicas, acaradas ai condicions de sortida de « crisis » repetidas d’una Euròpa deis Estats sensa projèct politic novator. Dins aqueleis endevenènças, lo moviment occitan es en bosca de responsas claras per federar idèas e accions e refortir una societat occitana rebutada cada jorn. Aquela reflexion pausa la question de la democracia ciutadana e territoriala en Euròpa. Lo respèct dau principi d’autodeterminacion e l’actualitat de l’idèa federala son l’apeon dei societats democraticas bastidas sus lo principi d’autonomias diferenciadas. Aquí son lei condicions dau despassament de l’Estat-nacion, eiretatge dau sègle XIX e de l’invencion dins l’urgéncia d’una novèla forma civilizacionala.

Se l’occitanisme vòu faire encara sens coma moviment sociau, es a aquelei questions que deuriá respondre per levar lei garbas deman e èstre a l’ora dau monde.

Collection Ensages (Essais), IEO edicions.

The author:

Gerard Tautil es autor, assaïsta, acompanhaire d’un movement de conscientizacion d’Òc, observator d’un temps a la crosada dau passat e de l’avenidor. Animator de Lo CEBIER - la letra occitanista. Actor, de còps que i a, per anar mai luench e bastir un movement sociau occitan que sache menar de cotria revendicacions culturala, sociala e politica.
Ensenhaire e militant, doas partidas de vida qu’an fargat l’estirada de l’autor que lei practicas culturalas e politicas anèron cotria despuei la creacion dau movement socialista e autonomista occitan Volèm Viure Al País. Filosòf de formacion, linguïsta en domèni d’òc, observator assidú de la vida occitana, a publicat d’articles e libres sus la situacion culturala, sociala, politica e participat a la recèrca toponimica occitana.


Summary:

1. Estanhacion ò respelida ? 9

2. Contextualizacion. França, Euròpa, Monde 15
L’efècte dominò 16
N’acabar ambe la benediccion d’un mercat au dessús de tot 19
« Las nòstras gloriosas ». A prepaus dau colonialisme interior 21

3. La question politica occitana 27
Un país nascut dau centralisme e portat per eu 28
La bèla desconeguda 31
Un occitanisme en bosca de se 32
L’estofador centralista 36
Doas causas au mens ne’n davalan 39

4. Entredos. Lei vèstits « nòus » dau centralisme 43
Estereotipes d’istòria 45
Critica dau « jacobinisme », une pensada critica ? 46
Centralisme sempre ! La Santa Familha 48
Quora lo diable n’a pron fach, se fa ermita * 50

5. Lo desfís de la lenga-cultura 53
Lei forriers de la question occitana 53
Lei questionaments de la lenga 59
De la fonccion sociala de la lenga a una forma d’autonomia 61
Politica lingüistica, projèct collectiu : lo drech a la lenga terradorenca 62

6. Lei desfís de la crisi ecologica 67
Retorn sus Tèrra 67
Ont anar ? 69
Desfís ecologic, desfís sociau e politic 71
Relativisem nòstrei pollucions geocentradas 74

7. Moviments sociaus e alternativa politica occitana 79
Enjuec comun 81
Sortir dau rodam 82
Prendre lei parts d’una societat occitana : faire per bastir 84
Pasmens es aquí la contradiccion de l’occitanisme politic 86
Fàcia ai moviments sociaus, nòstrei solidaritats de terren, un element per
faire avans 86

8. L’Euròpa deis Estats còntra la democracia 89
L’Euròpa dins totei seis Estats 89
Lei regions d’Euròpa sens l’Euròpa 92
La repression de la democracia catalana bota l’Euròpa davant sei
responsabilitats 97
Fàcia a la situacion blocada, una estrategia pragmatica a tèrme cort e
lòng 101
Mai de Catalonha per una autra Euròpa 102

9. Autonomisme, federalisme, nacionalisme. Quinei solucions politicas ? 109
De situacions territorialas e constitucionalas diferentas 109
Premissas. L’ideologia federalista e la « Republica federala dei províncias
de França » 111
Lo paradigma nacionalitari 116
Levar lo tabó politic 119

10. L’Euròpa dei pòbles e dei regions 125
Politicas territorialas confinadas 126
I responde la question institucionala ? 129
Per un federalisme europenc s’endevenent ambe de politicas de proximitat 130
L’escomessa de l’Euròpa dei pòbles e dei regions 131

11. Durbir pòrtas e fenèstras de l’ostau Occitania 139
Comunautat de destin 142

ANNÈXAS 145
Gustau Aliròl. La revòuta dei « Gilets jaunes » : quineis ensenhaments ? 147
Gerard Tautil. Lo FN es lo compliment dau roman nacionau francés 153

Bibliografia 159