L'homme semence - Violette AILHAUD

L'homme semence - Violette AILHAUD

Debuta de 1852 : Violeta Alhaud se va maridar. Son vilajon dei Basseis-Aups es brutament vuejat de tótei seis òmes per la repression que seguísset la revòuta còntra lo còp d’estat dau desembre de 1851. Dois annadas puei se passon sensa que degun vengue plus au païs. Lei femnas, entre èlei se fan la promessa que, s’un òme veniá, sariá son espós de tótei. Per fins que la vida contunhesse dins lo ventre de caduna.

« Aquò venguet dau fons de la comba. Tre que passet la gafa, que l’ombra aguet escafat lei belugas de l’aiga tras leis isclas, se veguet qu’era un òme. Nòstra natura de femnas sensa espós se botet a brandilhar. Nòstrei braçs s’arresteron d’amolonar lo fen. Se regarderiam. E caduna se sovenguet dau jurament. S’aganteron nòstrei mans que se sarreron a s’en far petar lei jonchas. S’alarguet nòstre pantais. Esfrai deliciós, entre paur e desideri. »

“L’homme semence” es jogat au teatre, au cinemà, es vengut cònte, dança, BD, gravaduras.

Pòst-faci de l’istorian Joan-Maria Guillon, universitat de Provença e associacion 1851.

Colleccion main de femme, edicions Parole.

Veire la revirada en occitan provençal per Daniel Daumàs e la version revirada en anglés per Nancy Huston.