Joan de Solinhac - Joan-Bernat Vaselhas

Joan de Solinhac - Joan-Bernat Vaselhas - ATS 176

« Quina mascariá, quina pacha amb Dieu o Diable li balhava un poder d’aquela mena ? E mai se me n’aviá parlat, arribavi pas a destriar la lutz amagada darrièr aquela idèia de «grand consentiment». Lo secret èra aquí ».
 

Aquel tèxt se pòt considerar coma l’acabament d’una trilogia entamenada amb las doas novèlas contengudas dins «Ma mòrt, ma miga, mon amor» (ed. Vent Terral, 1978). Aicí, parièr, se pòt dire que la vida comença de l’autre costat del desesper. D’autres i traparàn la vesion d’un mond ont tornamai l’òme s’endeven amb la natura tota. O benlèu una leiçon de vida.

Colleccion A Tots 176, IEO edicions.

L'autor:

Joan-bernat VASELHAS es nascut en Losèra, a ensenhat mai de 25 ans francés e occitan al licèu d’Usès. S’èra fach conóisser amb Poèma anti (ed. 4 Vertats, 1969) e Coma perdonam pas (ed. A tots, 1973) un dels primièrs romans policièrs en occitan. Aviá quitat de publicar dempuèi la sortida en 2000 d’un libre de pròsa, Lo cabrièr de las paraulas (ed. Vent Terral) e d’un long poèma Lo silenci dubèrt, paregut dins la Revista occitana.