Lo corbatàs roge - Max Roqueta

Lo Corbatàs roge - Max Roqueta

Verd Paradís VI

Lo Corbatàs roge representa, dins sa version originala d'òc, lo sieisen volum de Verd Paradís. e l’avant-dernièr dels grands recuèlhs de racontes en pròsa de Max Roqueta. Los legeires de Max Roqueta i tornaràn trobar, a lor cima, totas las votz ja presentas dins los volums precedents, aquí recampadas dins un ramelet de tèmas e de composicions narrativas a l'encòp plan divèrsas e totas fortament sageladas per una quèsta parièra dels ressons infinits de la paraula e de sas cargas sempre renoveladas d'umanitat.

Lo títol del libre es lo d'una novèla que se debana dins la China anciana e qu'es coma una faula sul poder e la foliá vanitosa dels òmes, un dels tèmas acostumats de l’autor de Verd Paradís.

Del raconte " chinés " dels tempses classics (Lo corbatàs roge) que balha son títol al libre fins a las evocacions de las garrigas del pais d'Argelièrs (las pròsas meditativas dels Desèrts dau mond e dels Desèrts dau sòmi), son, dins lor ample e lors restontiments, totas las dimensions d'un univèrs d'escritura excepcional que se pòt embraçar.

" E puòi, un jorn, se sentiguèt garit. Se recordava de son bonaür de davant que l'aucèl s'escapèsse. Amb los mots se congostava dau mond."

Edicions Trabucaire