J@rdindelasdelicias.com - Florian Vernet

J@rdindelasdelicias.com - Florian Vernet

Dins la familha, arroinada ara, trapatz d'en primièr l'ainat, un afrós, caponàs e mespresable. Butat per una esposa que los escrupuls l'arrèstan pas gaire, vòl vendre qué que còste lo patrimòni de familha. I a tanben lo paire, embarrat gaireben de longa dins lo muditge e sepelit al mai prigond de sos apartaments refregerits que li permèton sols de subreviure al poiridièr que l'agarrís. La mameta, dins son ataüc de contraplacat e un papagai que s'exprimís mai que pus en mòrse. Enfin i a la filha, Lutz ? Es jovenòta e mai o mens autista, çò dison.
Aquesta sagà es contada de per dintre per dos narrators despietadoses, dos fetusses dins lor bocal de formòl.

Colleccion A tots 177, IEO Edicions.

L'autor:

Florian VERNET (Besièrs, 19 d’abril de 1941) es un lingüista, pedagòg e escrivan occitan. Foguèt professor d’occitan a l’Universitat Pau Valèri de Montpelhièr abans de prendre la retirada en 2006. Es tanben un dels membres de l’Acadèmia Occitana-Consistòri del Gai Saber e a l’encòp del conselh lingüistic del Congrès Permanent de la Lenga Occitana.