Los Macarèls - t. II - La beguda de Joannes - Leon Còrdas - ATS 74

Los Macarèls  - t. II -  La beguda de Joannes - Leon Còrdas - ATS 74

Sèt racontes e novelas. Mas racontes o novèlas ? Qui sap, cò de Còrdas, ont finís lo raconte, la vida vidanta dins la lenga, e ont comença la creacion...

Collection A Tots 74, IEO Edicions.

L'autor:

Leon Còrdas (Sira, 30 de març de 1913 - Montpelhièr 19 d’octobre de 1987) foguèt autor de pèças de teatre (comedias) que coneguèron un brave succès; escriguèt tanben poèmas, romans e novèlas e faguèt lo comedian e la mesa en scèna.

En 1917, aprèp la mòrt del paire partit al front durant la Primièra Guèrra Mondiala, la familha s’installèt a Menèrba. Leon i passèt una bèla part de l’enfança amb un grand oncle qu’èra contaire. Quand aguèt sièis ans, tornèt partir la familha a Sira, e Leon foguèt mandat a l’institut agricòla Sant Josèp de Limós. Pasmens li agradèt pas d’èsser embarrat dins un internat e abandonèt los estudis.

En 1929 comencèt de se mainar de la proprietat familhala e trabalhèt las vinhas fins a 1952.

Estrach:
La beguda s’afairava coma cada estiu, benlèu mai.. Aquò empachèt Joannes de pensar gaire d’aquel parelh. Pasmens li èra demorat, l’endeman, una impression qu’aqueste còp l’avián coma colhonat... Pas colhonat, non ! fait parlar... o quicòm coma aquò, emai se’n pòsca pas dire ni si ni non.
- Diassa que tornets, dròlla, se pensèt.
[...]
E lo monde demorèron emai ne venguèt d’autris. La BEleta s’espantava un pauc d’aquel cant ferotge, contestataire, de cridas d’amors quora ascladas quora descabestradas, mas, sens s’arrestar de servir, se regalava. La velhada foguèt longa d’aquel ser. La Beguda èra negra de pòble.