L'Enclaus - Robèrt Lafont

L'Enclaus - Robèrt Lafont - A Tots 118

Cada libre de R. Lafont es une fèsta per l’intelligéncia e per la sensibilitat. Çò qu’òm podiá trapar, dins sos primièrs romans, de volontari o de demostratiu, daissèt la plaça al pur bonur de contar. E, de libre en libre, Lafont se farguèt una lenga tan sabrosa, tan rica, tan bèla qu’òm ne gardariá aisidament l’impression que pòt pas i aver d’autre occitan literari que lo sieu.

Coleccion A Tots 118, IEO Edicions.

L'autor:

Robèrt August Cesar Lafont (Robert Lafont en francés) (Nimes, 16 de març de 1923 - Florença (Itàlia), 24 de junh de 2009) èra un intellectuau occitan e pus particularament un lingüista, un escrivan, un istorian, un especialista de la literatura e un teorician politic. Èra una dei pus grandei figuras istoricas de l’occitanisme.
Robèrt Lafont nasquèt a Nimes en 1923 dins una familha protestanta dau país de la Vaunaja dau costat de sa maire Alícia Virginia Noguièr. Après lo divòrci de sei parents anèt viure en cò de sos grands dins un vilatjon de l’èst de Nimes, Cauviçon. Partiguèt dins son adolescéncia en 1936 amb son paire, qu’èra foncionari de Finanças, a Lons-le-Saunier, e aquel exilh li faguèt recuperar mai fòrtament l’occitan.