Lo Prince - Nicolau Maquiavèl, Joan Massip

Lo Prince - Nicolau Maquiavèl
Traduction : Joan Massip

IEO Edicions, coll. "Flor Envèrsa"

En 1615, a Ingolstadt (Bavièra), se cremèt en plaça publica l'efigia de l'italian Nicolau Maquiavel (1469-1527). Las Glèisas de l'epòca son convençudas - e o proclaman - que Lo Prince, son obra famosa, foguèt escrita per la quita man de Satan. Perqué un tal odi al respècte del libre e son autor? Perqué aquel obratge mager e universal, paregut al sègle XVI, continua fins ara a sentir a sofre? Las responsas se troban, evidentament, dins son contengut: una istoria naturala consacrada, non pas als animals e a las plantas, mas a l'univers de la politica. « Istoria » que cal entendre, aici, al sens grec d'enquesta, de descripcion. D'efièit Lo Prince descriu fre-dament, sense jutjar, lo menament dels afars politics. Observator de ter-ren, son autor nos mostra - en defora dels filtres metafisic e moral - la logica intèrna de las causas, çò que mou l'òme o la femna de poder, e cossí s'endevenon (o pas) amb los eveniments. Per aital nos mostra una vertat que, emai la solfine, l'umanitat vol ignorar. Es tot l'interès de son discors, fidèlament e fort agradivament traduit aicí per Joan Massip : fa vesedor çò que s'amaga a l'endarrièr dels vels que son las doctrinas, las ideologias, las filosofias. Per son escritura, fondada sus la coneissença de la logica de las situacions umanas e de las passions que las investisson, Maquiavèl desvela una realitat que, per natura, repugna al desvelament :
la politica.

Nicolau Maquiavel (en italian: Niccolò di Bernardo dei Machiavelli), nascut en 1469 e mort en 1527, es un umanista italian de la Renaissença.
Teorician de la politica, de l'Istoria e de la guèrra, mas tanben poèta e dramaturgue, observèt de prép, durant tota sa carrièra de foncionari al servici de la Republica de Florença, la mecanica del poder e lo joc de las ambicions concurrentas. Filosofe de primièra importància, Maquiavèl es, amb Tucidides, l'un dels fondators del corrent realista en politica inter-nationala. Dos libres magers asseguran sa celebritat: Lo prince e Discors sus la primièra decada de Tite-Livi.


Joan Massip es nascut a París. Apren a parlar la lenga d'oc pairala, sus-tot en Roergue, puèi a la legir amb d'autors del país: Besson, Molin, Bodon, e a l'escriúre amb lo Collègi d'Occitania e las primièiras Escolas Occitanas d'Estiu de Vilanuèva d'Olt.
Après d'estudis de drech e d'anglés, costeja professionalament d'elegits locals e nacionals.
Retirat, membre del CREO de la Talvera, ensenha dos ans l'occitan dins un licèu di ns-Saint Denis e anima dempuèi mai de 10 ans un
talhièr d'occitan en Val d 'Oise. Viu mièja annada en Roergue.
Tradutz tanben en occitan: Lo discors sus la servitud volontària de La Boe-ciá, La resisténcia al governament civil de H.Thoreau, lo Raport sus l'anoniment dels pateses de l'abat Grégoire, lo Raport suls idiomas de Barèra de Vieuzac.

IEO Edicions, coll. "Flor Envèrsa", 2025.