Lo Fantauma de Canterville (e autras istòtias) - Oscar Wilde, Pèire Beziat

Lo Fantauma de Canterville (e autras istòtias) - Oscar Wilde
Traduction : Pèire Beziat

IEO Edicions, coll. "Flor Envèrsa"


L'estatsunidenc Mr Hiram B. Otis ven de crompar Canterville, proprietat dempuèi de sègles d'un nöble e rèirevielh linhatge anglés. Tanlèu installada la familha, lo fantauma comença a far farlanda... mas aqueste es pas al cap de sas penas.
En mai de Lo fantauma de Canterville (1887) tres autres contes cabon dins aqueste volume : Lo murtre de Lord Savile (1887), L'esfinx
sens secret (1894) e Lo model milionari (1887).
Quora patetics, quora risolièrs, capleugièrs o terribles, aqueles contes mesclan lo fantasc amb lo fantastic. L'autor, amb son umor trufa trufant de dandi, se plai a escarnir los codis socials de son epoca.


Oscar Wilde (Oscar Fingal O'Flahertie Wills Wilde, 1854-1900)
es un escrivan, romancier, dramaturgue e poèta britanic.
Sas obras an l'exigéncia de l'estetisme dels mai purs. Se fa lo portaparaula de la novela « Renaissença anglesa ». En mai de son talent literari, sa personalitat fora del comun, son esperit agut, sa convèrsa aisida e sos costumes fan sa renomenada.
Confrontat a las regdors de la morala victoriana, al cap de tres procèsses retronissents es condemnat per « immoralitat grèva » a dos ans de trabalhs forçats. Se mor a París en 1900, dins la misèria totala, a quaranta sièis ans.

Pèire Beziat es nascut en 1954 a l'Eissagador, comuna de Vabre, e demora a Ferrièras, dins Tarn. Continua de tradusir d'autors po-pulars de la literatura mondiala. Fins ara, cine foguèron publicats dins la colleccion « Flor envèrsa » de IEO-Edicions.


IEO Edicions, coll. "Flor Envèrsa", 2025.