L'òrra istuèra d'un hilh de Gelòs - Eric Gonzalès - ATS 135

L'òrra istoèra d'un hilh de Gelòs - Eric Gonzales

Visenç Labaisha n'a pas nada circonstància atenuanta, çò qui s'apèra nada, e qu'aqueths especialistas de las malaudias deu topin ne’ns viengan pas avejar dab las lors rantòinas. Qu'a hèit de maishanteria. Qu'ei anat dinc au cap d'aqueras tristas ideas qui daunejan en la societat desempuish annadas, segon las quaus un pair e ua mair n'an pas nat dret suus lors mainatges, e se'n vólen aver, aquestes quan lo dret de s'arrevendir, qu’an lo dever de s'arrevendir. Çó de mau non pót har bona fin, e puishque Visenç Labaisha a volut seguir aquera trista mòda, tampís per eth, jo ne’u vau pas anar plànher, ni pensi guaire de monde a Gelòs. A Visenç Labaisha que l'aurén devut deishar au gave.

L'autor que tornè tribalhar l'estille, que cambiè mots deu lexic entà har ganhar au son roman mei de precision e de ritme.
Que son sèt relats d’ua medisha istòria : la temptativa de murtre de duas personas e la mort deu copable presumit...

Colleccion Òbras n°4, edicions Reclams (Novela edicion 2021).

Prefaci de Comellas.

Anciana edicion (1996): Colleccion A Tots n°135, IEO Edicions.

L'autor:
Eric Gonzales qu'ei vadut a Pau en 1964. L'òrra istoèra d'un hilh de Gelòs qu'ei lo son prumèr roman, dont la prumèra edicion e parescó en 1996. Aqueth libe qu'estó remarcat com la prumèra òbra en gascon dont l'intriga e's passa en un encastre urban de l'un cap a l'aute ; d'auta part, que presenta la particularitat de balhar la paraula a mei d'un narrator. Que recebó lo prèmi Joan Bodon 1996.

Sergi Javaloyès presenta lo libre sus ÒCtele: