Occitània fàcia al cambiament - d'una Euròpa en bastion a l'autonomia occitana

Occitània fàcia al cambiament d'una Euròpa en bastion a l'autonomia occitana

Brocadura collectiva de Gustau Aliròl, Felipe Carbona, Robèrt Lafont, Gerard Tautil.

Quatre voix fortes de notre temps posent la question de l’avenir de l’Occitanie dans un contexte de profonds bouleversements

Bilingua occitan / francés.

Colleccion Escriches politiques n°2, ADEO.

Los autors:

Gustau Aliròl ensenha lo drech privat a l’Universitat de Lion III. Foguèt cònsol de la comuna de Sant Ostian (Auvèrnhe) dempuèi lo 19 març de 2001 fins al 16 de març de 2008 e se presentèt coma candidat a las legislativas de junh de 2007. A mai d’èsser president del Partit Occitan e de Regions e Pòbles Solidaris es tanben vicepresident de l’Aligança Liura Europèa.
A las eleccions regionalas de 2010, es estat candidat al primièr torn sur la lista Europe écologie e puèi al segond torn sus la lista "Rassemblement pour l’Auvergne Juste et Solidaire" de René Souchon.
Es dempuèi lo 22 de març de 2010 conselhièr regional d’Auvèrnhe per Naut Léger.

Felip Carbona nasquèt a Fois en 1944. Anèt a l’Escòla Normala Superiora e obtenguèt puèi l’agregacion e lo doctorat d’Estat en matematicas [2]. Pasmens se limitèt pas als estudis scientifics vist que ten una mestresa de Letras Modèrnas. Ensenhèt las matematicas e mai l’occitan a l’Universitat de Tolosa e s’engatgèt d’a fons dins l’occitanisme. Foguèt vicepresident responsable del sector de recèrca de l’Institut d’Estudis Occitans entre 1981 e 1986 abans de ne venir son president de 1998 a 2002. A mai foguèt president de l’Escòla Occitana de 1995 a 1998. Per son prètzfach recebèt mantun prèmi coma lo de l’Acadèmia dels Jòcs Florals, en 1980 lo prèmi Josèp Salvat, lo prèmi Pau Froment, lo prèmi Pèire Godolin e mai lo Jansemin d’argent. A la retirada dempuèi qualques ans contunha pasmens d’èsser actiu dins l’occitanisme. Es actualament president del Collègi d’Occitània e contunha de dirigir la revista lo Gai saber que capitaneja dempuèi 1982. Es tanben un dels membres de l’Acadèmia Occitana-Consistòri del Gai Saber

Robèrt August Cesar Lafont (Robert Lafont en francés) (Nimes, 16 de març de 1923 - Florença (Itàlia), 24 de junh de 2009) èra un intellectuau occitan e pus particularament un lingüista, un escrivan, un istorian, un especialista de la literatura e un teorician politic. Èra una dei pus grandei figuras istoricas de l’occitanisme.
Robèrt Lafont nasquèt dins una familha protestanta dau país de la Vaunaja dau costat de sa maire Alícia Virginia Noguièr. Après lo divòrci de sei parents anèt viure en cò de sos grands dins un vilatjon de l’èst de Nimes, Cauviçon. Partiguèt dins son adolescéncia en 1936 amb son paire, qu’èra foncionari de Finanças, a Lons-le-Saunier, e aquel exilh li faguèt recuperar mai fòrtament l’occitan.

Gerard Tautil es autor, assaïsta, acompanhaire d’un movement de conscientizacion d’Òc, observator d’un temps a la crosada dau passat e de l’avenidor. Animator de Lo CEBIER - la letra occitanista. Actor, de còps que i a, per anar mai luench e bastir un movement sociau occitan que sache menar de cotria revendicacions culturala, sociala e politica.