Ercules l'iniciat - Anne-Pierre Darrées

Ercules l'iniciat - Anne-Pierre Darrées

Los dotze trabalhs d'Ercules que son esplèits cargats d'ensenhaments, qu'ei çò qu'a volut retrobar l'autora. Son un camin iniciatic, avant d’estar esplèits. Contar las benalèjas e tanben legir los simbèus que permeteràn a l'eròi de vénguer un òme, de véncer l'animalitat, los vicis, d'alargar la sua consciéncia. Dab aqueste libe, los legidors que poderàn anar mes luenh en la coneishença de l'eròi mes popular de la mitologia grèca.
Un aute espiar sus l’eròi colerós o la creacion deus Pirenèus.

Libre escrich en gascon e en francés. Illustracions de la jove dessenhaira Margot Raillé.

Edicions Reclams (Escòla Gaston Febus).

Articles de premsa:
Ercules, qu’ei aqueth eròi grèc que hasó los dotze trabalhs. Mès perqué aqueths dotze? Lo libe d’Anne-Pierre Darrées, Ercules l’iniciat, que conta las proessas de l’eròi e que balha las claus deus simboles de cada benalèja. Tà hèr aquò qu’ei tornada a l’ensenhament iniciau deus grècs.
Per exemple, Ercules que combat l’idra de Lèrna dab sèt caps que vivèva devath un platana dab sèt honts. Un pauc brutàs, l’Ercules que’u balhè un truc de maça e que’u copè tres caps d’un sol còp de gladi. Mès d’autes caps que creishèvan…

Margot Raillé, ua estudianta en dessenh, que s’ei cargada de las illustracions.

Pirèna
Dens lo detzau trabalh, Ercules en tornar deu cap deu monde, que passa d’Iberia tà la Narbonesa e qu’encontra a Pirèna. Ua legenda que data de l’installacion deus grècs a Pirene, pòrt fondat per eths, sheis sègles av. J.-C.

Çò que m’agrada dens aqueste libe
Los relates que son bracs e aisits a enténer. Que vesem la logica, lo seguit deus trabalhs.  De mes, Ercules qu’apareish dab la sua fòrça erculeana e tanben dab lo son aspèct uman, las suas colèras, las suas errors.

Fin finala, coma ditz lo poèta actuau François Baril Pelletier, citat dens lo libe, qu’ei benlèu ua formule magique pour devenir humain.

Article publiat dins Actu'Joens, lo 15 de decembre de 2021.

---
Los dotze trabalhs d’Ercules presentats en occitan als joves
Una òbra d’Anne-Pierre Darrées per anar pus luènh en la coneissença de l’eròi mai popular de la mitologia grèga
Las edicions Reclams presentan Ercules, l’iniciat, un libre d’Anne-Pierre Darrées escrich amb la tòca de presentar als joves los dotze trabalhs de l’eròi grèc que son de proesas cargadas d’ensenhaments.
Contar las aventuras coma legir los simbòls permetrà a Ercules de venir un òme, de véncer l’animalitat, los vicis, d’alargar sa consciéncia. Amb aquel libre, los legeires poiràn anar pus luènh en la coneissença de l’eròi mai popular de la mitologia grèga. L’obratge es escrich en gascon e en francés e las illustracions son de la jove dessenhaira Margot Raillé.
Article publiat dins Jornalet, lo 21 de decembre de 2021.