Ribon-Ribanha, Lo Retorn - IEO 06

Ribon-Ribanha, Lo Retorn - D'autri crònicas d’ancuei per deman. IEO 06

Es lo segond libre Ribon-Ribanha, que l’IEO-06 publica. Aquest libre bilingüe e illustrat achampa las crònicas escrichas a flor e a mesura de las setmanas sus lo site de l'I.E.O. 06.

"La garderem ribon-ribanha, nòsta rebèla lenga d’Òc !"

L'IEO-06 a la volontat de donar en aqueli e aquelu que fan òbra de creation la sieu plaça, de li donar la man per difusir la sieu expression. Aquelu autors fan mèstra que la lenga nòstra es lenga viva, reviscolada a cada viatge, embelida e tornada semenada...
Es la parucion sus lo site sieu http://ieo06.free.fr d'un texte novèu setmanier despi novembre dau 2008, ribon-ribanha !
Un cèup mai, lo Comitat de lectura de l'IEO-06 a fach causida d'un cinquantenau de textes ; es ensinda que, per lo plaser dei lectors, lo Ribon-Ribanha de papier es de RETORN !
Mòstra que la realitat es la vitalitat de la lenga, maugrat de la mancança de visibilitat dins l'espaci public, dins lu mesas de comunicacion, dont fa mestier la diversitat per capir la culture e s'esperlecar de la beutat dau monde.

Entamenada:

D’unu si creson que la lenga nòstra es a desparéisser...
Perdon lo camin !
Fèm pròva cada setmana que la realitat es autra. Quant son de filhas e de garçons, de fremas e d’òmes, joves e ancians, que son cada jorn a laurar la sieu curtura, sigue a l’escòla, au collègi, au licèu, a l’universitat, sigue dins lu cors de lenga, sigue au sieu en coïna ò en campanha, a si confrontar a la lenga, a l’escritura, a si banhar en lu diccionaris, lu glossaris, li gramàticas de tota merç ?

Malaisat de chifrar, mas una bèla banda !

La realitat es la vitalitat de la lenga, maugrat de la mancança de visibilitat dins l’espaci public, dins lu mesos de comunicacion, dont fa mestier la diversitat per capir e s’esperlecar de la beutat dau monde.
L’IEO-06 a la volontat de donar en aqueli e aquelu que fan òbra de creacion la sieu plaça, de li donar la man per difusir la sieu expression.

Es premier la parucion sus lo site nòstre d’un tèxte novèu setmanier despí novembre dau 2008, ribon-ribanha !

Es ensinda que de sòcis, d’amics, aquí pròches ò mai luenchencs, fan mòstra de la vitalitat de la lenga, fan mòstra que la lenga nòstra es lenga viva, reviscolada a cada viatge, embelida e tornada semenada... L’IEO-06 per lu metre en valor persegue dins aquesta draia d’ajuda a la creacion.

Pi, un còup mai, lo Comitat de lectura de l’associacion a fach causida d’un cinquantenau de tèxtes, e lo Ribon-Ribanha de papier es de RETORN !

Emé una varietat de tèmas, esperam que donerà a vautres lectors lo plaser de la descubèrta de tèxtes estampats. Donerà finda ai magistres una banca de tèxtes per lo sieu ensenhament, donerà en toi la conviccion que lo monde d’ancuei non si pòdon passar de la riquessa de la nòstra lenga e dei sieu expressions precioï !

Pensi a cada autor davant de la sieu pàgina, davant dau sieu clavier, e siáu segur que ti donerà, amic lector dau nòstre libre LO RETORN, envuèia de ti mandar a l’aiga... e que publiquerem un jorn un tèxte tieu, per enriquir la nòstra curtura millenària e pòrger ai nòstri pichoi, ai generacions futuri, un tresòr patrimonial viu de mai, tant pichin que sigue...
La nòstra rúbrica pilhèt lu set ans en novembre dau 2015, es l’atge de rason que festejam ’m’aquela publicacion que ne’n sòna d’autri...

Bòn anniversari a Ribon-Ribanha e bòna lectura !

Joan-Pèire Spies (President de l’IEO-06).

Editions IEO 06 - Genier de 2016.
Illustracion de cuberta : Verònica CHAMPOLLION

Relectura e correccions: Joan-Pèire Baquié, Joan-Pèire Spies, Anna-Maria Milardu, Andrieu Saïssi

Normalizacion grafica: Joan-Pèire Baquié

Maqueta, concepcion grafica, mesa en pàgina: Joan-Pèire Spies