Li rèst de cebo - Batisto Bonnet

Li rèst de cebo - Batisto Bonnet

« Veici li Memòri d'un gnarro ! Aquesto fes vous plagneirés pas : n'avès uno aqui de proso que, de miés avengudo, de mai revertigueto e mai gaiardo e aboundouso, aurias proun obro à n'en trouva. Aqui fau bèn que digués sebo: tant que lis escandihado de Batisto Bounet fasien babou que dins L'Aioli, poudias dire qu'aco n'èro qu'un fiò de paio, qu'autant n'empourtarié lou vènt. E meme, ço qu'es amusant, tau qu'au-jour-d'uei crido miracle en parlant d'aquéli memori n'en fasié pas mai cas que d'un culachoun de figo blanqueto, tant qu'acò pareissié que dins li journau prouvençau, valènt-à-dire tant que Daudet n'avié rèn di... Brave Bounet! se poudiés saupre lou plesi que nous fai de vèire triounfla en tu, de vèire frucheja pèr tu aquelo lengo dóu terraire que tant de nèsci e de bochi vuei s'esperforçon d'ignoura !... E aquéli que disias que nosto lengo es esvalido e que lou pople la saup plus, escoutas coume la gaubejo aquéu garroun de Bello-Gardo. »

Frederi Mistral

« Ah! s'aviéu sachu, se sabiéu ço que sabes, quau saup ço qu'auriéu di, ço qu'auriéu fa? Beleu mens, beleu mai qu'un ome de tèsto. Auriéu pouscu dire lou coudoun qu'es aqui que me cacho l'estouma. Coume que n'ane sariéu pas l'ase carga de cran que siéu; dins li libre ié vei-riéu mai que de negre e de blanc coume ié vese; poudriéu legi, pensa, escriéure, poudriéu èstre fier, èstre urous dins ma vido de pastre, car, alor, à despart lou gaubi qu'ai poudriéu fieramen dire : "Siéu un ome" . Ideoulougio de d'epoco, mai fermo e bello. Pèr aquéu sèns de la coundicioun poupulari, per la digneta e la rigour de soun estile (estile d'un grand artisto espountaniéu, mai se sabié se courregi) pèr l'esclat di tablèu que brosso, Bonnet es forço mai en dessus di sceno de la vido ruralo que Mistral devié douna dins si Memori e Raconte, après soun disciple. »

Roubert Lafont.


Edicoun Prouvenço d'aro