Lo Gai Saber - Lo numèro del centenari 551 (autom de 2018)

Lo numèro del centenari - Lo Gai Saber n°551 (autom de 2018)

Revista culturala occitana fondada en 1919, sos la direccion de Prosper Estieu, per la comission per la lenga d'oc, de l'Académie des Jeux Floraux de Toulouse fondaa en 1323.

Lo numèro del centenari del Gai Saber (n° 551 – autom 2018), es lo primièr d’una tièra novèla : format mai practic, presentacion mai modèrna, contribucions mai divèrsas sus tot çò qu’interèssa l’occitan :
- La creacion literària, amb l’obertura als joves autors.
- La situacion de la lenga, en França, en Espanha, en Italia : estatut, ensenhament, iniciativas…
- Las solucions a las questions de lenga : cossí dire, cossí escriure.
- La lectura critica de las publicacions novèlas.

"Se vòls reconquistar l'empèri de ta lenga, legis Lo Gai Saber ont trobaràs de poèmas, de pròsas de creacion literària, d'estudis de tota mena, de cronicas lingüisticas, la critica dels libres novèls, lo corrièr dels lectors."