Autan negre - Cristian Chaumont

Autan negre - Cristian Chaumont

Mas-Jacmet, vilòta d'Occitània, sul pèmont de dos braces de la Montanha Negra, autres còps industriala, rica e groanta de vida, a vist pauc a cha pauc sas usinas tampar, laissant plaça a d'arroïnas e d'ermasses industrials. Ça que la s'i es venguda installar una usina quimica. Los estajants la sònan : l'USINA.

Lo patron, pròche dels governaires de la Ciutat, es gaire regardant, aquò es eufemisme, sus sos metòdes de gestion, entre autres trantalhant pas a polluir grèvament la ribièra... E far portar lo capèl a un innocent...

... Arriba çò que d'unes, lengas de pelhas, cassandras, o visionaris, segond lo punt de vista, n'an aguda la premonicion...

Quora roman social, quora roman policièr, Autan Negre poriá èsser una istòria vertadièra...


En occitan lengadocian.
Edicions IEO Lengadòc.

L'autor:

Cristian Chaumont, nascut en 1937 a Masamet demòra dempuèi mai de vint ans a Narbona. Los aujòls pairals, masametòls, totes davalats de la Montanha Negra, los mairals èran del Lauragués. Totes parlants gaireben pas que l’occitan.
Faguèt sos estudis collègi de Masamet, a la facultat de drech de Tolosa e a l’Escòla Nacionala del Tresaur Public.
Perceptor en Carcin, puèi a Castras e per acabar Tresaurièr de la Comuna de Narbona (amb son Espital, son OPHLM e son CCAS).
Retirada presa a Narbona. Dempuèi qualques annadas cargat del talhièr d’escritura al Cercle Occitan de Narbona.
Tres romans en Occitan publicats: Roges Nivolasses (IEO Edicion, 2010) e Recapte Ultim (IEO Lengadòc, 2015).