Lo trabalh de las mans - Ives Roqueta - ATS 28

Lo trabalh de las mans - Ives Roqueta – ATS 28

Divertissment en forma de roman (occitan lengadocian).

"Papa, me’n vau ambe pibola. Es tota ma vida e benlèu un briconèl mai qu’aquò. El a pres sas capòtas e ieu mon capulet e mon cort mantèl de droguet violet. Es pas complicat : es Nadal.

Se me deviái maridar quauque jorn, aquò’s tu qu’esposariái. Siás acostumada a te far lo manjar dempuèi que la mamà es partida, a te petaçar las caucetas, a te crompar los splips, a esperar que tòrnes del cafè per esculhar la sopa [...]
Te sauprai dire çò que devenèm s’aquò dura. Ai quinze ans passats coma la Santa Vèrge a betelèm e Joana d’Arc a Roncesvals. Mas siái pas gròssa:ni del Sant-Esperit, ni de Pibola, te’n fagas pas. E piucèla, paure papà, i a de temps qu’aquò m’a passat !
t’embraci fòrt sus las doas gautas. Coma t’aimi.
Nina"

ATS 28. IEO Edicions.

L'autor:

Ives Roqueta (Seta, Occitània 29 de febrièr de 1936 - 4 de genièr de 2015) èra un escrivan en occitan e un òme politic.

Entre la fin dels ans 1950 e lo començament dels ans 1980, foguèt un dels menaires del movement politic e cultural occitan. Es lo fraire de Joan Roqueta, mai conegut coma Joan Larzac, tanben escrivan e òme d’accion occitanista.

Ives Roqueta foguèt pendent maitas annadas president de l’Institut d’Estudis Occitans. Fondèt l’ostal de disques Ventadorn, que permetèt a la Nòva Cançon occitana de se popularizar e de se téisser un mercat.

Al nivèl politic, tenguèt de responsabilitats dins lo movement autonomista Volèm Viure al País durant la fin dels ans 1970, puèi aderiguèt de manièra efemèra al Partit Socialista francés en 1981 abans de lo quitar.

Dempuèi los ans 1980, son accion es pus literària que politica.