0 0
 

Recently added item(s)

Aucun produit

Free shipping! Expédition
0,00 € Total

Commander

Produit ajouté au panier avec succès

Quantity
Total

There are 0 items in your cart. There is 1 item in your cart.

Total products (tax incl.)
Total shipping (tax excl.) Free shipping!
Total (tax incl.)
Continue shopping Proceed to checkout

Artistas

Metaf(r)iccions a Collisioncity - Florian VERNET - ATS 223

L-9782859106102

New

1 Item

Dins l'estòc

15,00 €

Metaf(r)iccions a Collisioncity - Florian VERNET. Un polar descabestrat e fantasierós que mescla amb bonur vitessa e umor. Crimis - A tots n°223 (IEO edicions).

More details

STATIC BLOCK

Data sheet

TypeBroché
Année2020
Lengaoccitan (lengadocian)
Pages172
Format13,5 x 18 cm
DistributeurIEO edicions - IDECO
LabelA tots
ISBN978-2-85910-610-2

More info

Metaf(r)iccions a Collisioncity - Florian VERNET - ATS 223


Un polar descabestrat e fantasierós que mescla amb bonur vitessa e umor !


Emai o volguèssetz pas creire, dins una vila coma Collisioncity e pel temps que fa, riscatz d’i rencontrar de tot : un biologista (demoniac) ; un detectiu (facultatiu) ; de Ninjas (aquestes guerrièrs implacables desguisats en caucetas) ; de pensionaris d’un ostal de retirats (sul camin de l’evasion).


E s’aquò vira una bombineta antilhesa (inspectritz de polícia) ; un papagai jos acide que se pren per un teleevangelista ; un capitalista ancian legionari afectat d’un complèxe d’Edip de competicion. Un yacht gaireben clandestin dins lo pòrt de Badagòbi ; una sex-tape originala e lo Turbo Brain per metre lo fòc a las estopas.
Sens comptar çò qu’auretz evitat.


En clar : tot, pas res, son contrari. Brac : un mond. Que que siá : de legir !


Colleccion Crimis - A tots n°223, IEO edicions.


L'autor:

Florian VERNET (Besièrs, 19 d’abril de 1941) es un lingüista, pedagòg e escrivan occitan. Foguèt professor d’occitan a l’Universitat Pau Valèri de Montpelhièr abans de prendre la retirada en 2006. Es tanben un dels membres de l’Acadèmia Occitana-Consistòri del Gai Saber e a l’encòp del conselh lingüistic del Congrès Permanent de la Lenga Occitana.


Article de premsa:

Un roman de Florian Vernet es totjorn un eveniment. La colleccion « Crimis » deis edicions de l’IEO li devon una granda part de lor catalògue. Quand es anonciada la sortida d’un libre novèu de l’un deis autors lei mai improbables de la literatura d’òc, devi avoar que l’impaciéncia me pren. Cada tèxte sieu, despuèi lei primiereis exploracions de Qualques nòvas d’endacòm mai o mai tard de My name is degun, es una escomesa : capita de se renovelar tot en demorant fidèle a un estile, una « marca » sieuna.

Silvan Chabaud, dins Lo Diari dau 18 d'abril de 2021.


Estrach:

[...]Una votz d’ostessa (dins l’estil aeropòrt internacional, puslèu, que non pas de las de 3615 « En lebreta ») se presenta. Compreni pas tròp al nom de quina entitat perque lo sigle m’escapa. Se desencusa de me destorbar tan tard e mai un dimenge e me demanda se me seriá pas possible de passar (sembla considerar que vau acceptar sens discutir) al domicili « personal » de Sénher Trastèja-Maganha (Gerard de son prenom), dins la matinada del diluns, digam vèrs nòu oras. Al domicili « personal », o auretz notat, valent a dire a son castèl a la campanha, que non pas, prosaïcament, dins los burèus de l’ostalici ont se troban los sètis de sas incomptablas entrepresas, e tanpauc dins un de sos apartaments de prestigi en vila.
Son patron auriá censadament besonh del conselh d’un especialista. L’entrevista – çò ditz per m’agranar, tanplan – poiriá desbocar sus un contracte e un engatjament chucós. De tota mena, se ne sortís pas res d’aquesta entrevista, mon desplaçament me serà pagat tin-tin.
E aquí, forçadament, cal que vos explique. Trastèja-Maganha, aquí un nom que fa ofici de mot de Santa Clara dins los mitans informats, e mai non informats del canton. Quand demoratz a Collisioncity, avètz pas besonh d’anar furgar sus Wikipedia : lo gus es conegut coma los OGM. Es lo personatge mai ric de la vila, e foguèsse pas que de la vila, seriá ja quicòm. Es de fach una de las grandas fortunas de la region Occitania, un òme influent, gaireben inaccessible al vulgum pecus...

Reviews

Aucun commentaire n'a été publié pour le moment.

Write a review

Metaf(r)iccions a Collisioncity - Florian VERNET - ATS 223

Metaf(r)iccions a Collisioncity - Florian VERNET - ATS 223

Metaf(r)iccions a Collisioncity - Florian VERNET. Un polar descabestrat e fantasierós que mescla amb bonur vitessa e umor. Crimis - A tots n°223 (IEO edicions).

Write a review

Les clients qui ont acheté ce produit ont également acheté...