Lo Rei dels Corbasses - Joan-Francés Bladé

Lo Rei dels Corbasses - Joan-Francés Bladé (libre solet o libre + CD)

Joan-Francés Bladé (1827-1900) foguèt un dels folcloristas màgers de França. Sos Contes de Gascogne fan partida dels mai bèls qu’existisson a cò nòstre. Atal es lo Rei dels Corbasses. Aquí n’avètz la debuta :

"Ieu sabi un conte. I aviá un còp un òme qu’èra verd coma l’èrba e qu’aviá pas qu'un uèlh pel pel mièg del front. Aquel Òme verd demorava a l’orièra del bòsc de l’Arramèr, dins un ostal vièlh. Amb el, demoravan sas tres filhas : l'ainada polida coma lo jorn, la capdèta pus polida que l'ainada, la darrièra qu’aviá pas que dètz ans, pus polida que las autras doas.
"Un ser d'ivèrn, l’Òme verd s'èra mes a la fenèstra. La nuèch començava de tombar e de fums montavan de la ribièra del Gèrs. Tot d’un còp, s’ausiguèt un grand bruch d’alas, e un aucèlu, grand coma un brau e negre coma la suja se venguèt pausar sul le peiron de la fenèstra.
"Coac ! coac ! coac ! Soi lo Rei dels Corbasses.
– Rei dels Corbasses, que me vòls ?..."

Çò que vòl ? La filha mai jove de l’Òme verd. E quand seràn maridats, li calrà, ela, esperar sos dètz e set ans per descobrir la semblança umana de son espós... mas per tròp de curiositat, desobesís. Lo rei es d’ara endavant encadenat a una montanhae lor calrà passar las espròvas que s’enseguiràn per poder, fin finala, véncer los sortilègis…

Un grand conte meravilhós de Joan Francés Bladé, tirat de son òbra màger, los Contes de Gasconha. Un libre qu’agradarà als mainats que descobriràn cossí lo Rei dels Corbasses e la filha de l’Òme verd se maridaràn e las espròvas que s’enseguiràn per poder, fin finala, véncer los sortilègis…

Un album polit adaptat (e legit dins la version version amb CD) en occitan lengadocian per Sèrgi Carles e plan polidament illustrat per Sofia Vissière.

De chausir la version libre solet, o libre amb CD audio, de far descobrir als dròlles a partir de 7 ans.

Edicions Letras d'òc.