Recently added item(s)
Aucun produit
Liames
L-9782916718644
New
2 Items
Dins l'estòc
20,00 €
Afogassets e trufariás de recèptas per l'aperitiu - Mirelha Braç. Una bèla tièra de recèptas d'afogassets, d'Occitània o vengudas d'autras ribas de mar : çò que cal per vos obrir l'apetís ! Camins - Letras d'òc.
Type | Broché |
Année | 2015 |
Lenga | occitan |
Pages | 128 |
Format | 20 x 20 cm |
Distributeur | Letras d'òc |
Label | Camins |
ISBN | 978-2-916718-64-4 |
Afogassets e trufariás - De recèptas per l'aperitiu - Mirelha Braç
Pel plaser de vos congostar e de vos regaudir en companhiá, aquí lo receptari deliciós e imaginatiu que Mirelha Braç vos ofrís.
58 recèptas d'afogassets salats (amb legums, fruchas, cauquilhas o peis, carn, meletas... e mai), 5 recèptas d'afogassets sucrats, 7 recèptas de trufas negras e, per plan contunhar, una recèpta de lèbre a la reiala !
I descobriretz tot çò que cal per vos obrir l'apetís en acomodant las siás recèptas, tanplan occitanas coma vengudas d'autras ribas de mar, que las poiretz acompanhar d'un veirat de bon vin.
En occitan, illustrat de fotografias en color, amb un lexic occitan-francés.
Illustracion de cobertura de Muriel Selleron
Edicions Letras d'òc, colleccion Camins.
L'autor:
Mirelha Braç foguèt ensenhaira en collègi, es una afogada de cosina e una femna engatjada dempuèi longtemps dins l’occitanisme associatiu.
Anima de talhièrs de lenga d’òc a Carcassona e de cosina a Ventenac Cabardés, es activa sus internet amb lo blòg cosina-cuisine-ventenac.overblog.org, publiquèt en 2015 Afogassets e trufariás que met a l’onor de recèptas per acompanhar los aperitius.
Entrevista de l'autor:
Mirelha Braç, cosina e lenga occitana : cossí se pòt far lo ligam entre l’art de la taula e la lenga d’òc ?
Coma i a mai d’un parlar dins nòstra lenga d’òc, i a mai d’una contrada e doncas mai d’una cosina. Unitat dins la diversitat, es totjorn estat ma linha ! La diversitat ven de las diferéncias de climat entre las regions occitanas : cosina que ten al còrs cap al nòrd, cosina mai leugièra cap al sud e l’unitat se trapa dins los delicis qu’òm se’n pòt regalar d’un costat a l’autre del país ! Coma me congosti d’escotar parlar o cantar lo monde d’Auvèrnhe, de Lemosin, d’Aquitània, de Provença o de Lengadòc !
[...]
Estrach de l'entrevista per Silvan Chabaud, dins Lo Diari 51 (09-2019).
Aucun commentaire n'a été publié pour le moment.