Diccionari occitan – Robilant – Rocavion - Collectiu

Disiounari Ousitan Roubilant - Roucavioun / Diccionari Occitan Robilant - Rocavion / Dizionario Occitano Robilante - Roccavione

a cura di Lorenzo Artusio, Piermarco Audisio, Gianni Giraudo, Eliano Macario.

Diccionari Occitan (aupenc) - Italian.

Aqueste "Diccionari Occitan de Robilant-Rocavion" es lo fruch dal trabalh collectiu d'un bòn numre de testimònis e vòl entemenar un chamin diferent che tene en còmpte la novèla consciença d'apartenença linguística des valadas e de l'existença de la lei de tutèla.
Lhi autors an realizat un'òbra d'estudi e salvagarda d'un airal culturalment de passatge entre montanha e plana ente se sent já l'aire dal piemontés ma son encà fòrtas la raïtz occitanas. Aquestas raïtz son aquelas que donon identitat linguística an aqueli que parlon la lenga tuchi lhi jorns.
Son enteressantas las corrispondenças de lenga abo las comunas dapè coma Bueves e Poranh, o mai luenhas coma Vinhòl, Cervasca, Bernès o La Ròca ente es auta la comunança terminològica.
Lo trabalh abarrona 13.000 entre vòutz, locucions e expressions lexicalas que marca aquel dialect.
La grafia qu'es semelhaa resòlver mielh lhi problemas fonètics, de bòt ren tant pichòts, es aquela de l' "Escolo dóu Po" mas s'es pensat ben d'ajontar una transcripcion de la paraula second la grafia clàssica de l'occitan per venir encòntra a l'exigença sempre mai granda e sentua de normalizacion gràfica de la lenga occitana.
Aqueste trabalh es un clar exemple que las parladas localas e un occitan alpin normalizat pòlon marchar a bracet, se confrontar e s'enrichir un abo l'autre.

Colleccion Viure Lo País, edicions Chambra d'òc.