Massilia Sound System LE FILM - Christian Philibert (DVD)

Massilia Sound System LE FILM - Christian Philibert (DVD)

Dempuèi 1984, Massilia sound system canta sa vila, Marselha, la fèsta, l'amor e l'amistat, mai tanben sas colèras e sas luchas. Fenomèn popular vertadièr, lo collectiu marselhés, que son anar creatiu e original butassa los encastres e las institucions, refusa l'uniformizacion de la cultura e defend lo viure ensemble, la tolerància e l'obertura sul monde.

Pendent mai d'una annada, lo cineasto Crestian Philibert (realizator de las Quatre saisons d'Espigoule, 1999) seguiguèt, sus l'empont e dins las colissas, los membres del Massilia Sound System e lor public de fidèls. En i ajustar d'imatges d’archius e d'entrevistas sasidas a la volada, dessenha lo retrach d'aquel grop que, mercés a sa profession, a pogut traversar d'un autre biais las desillusions d’una generacion.

Aquel film musical plen d'optimisme e de generositat abòrda de tèmas d'actualitat nombroses. S'adreça a un public larg : e mai se presètz pas precisament l'estil de lor musica, i trobaretz vòstre còmpte, que "çò qu’ausissètz es intelligent... e mai... Blu es un excellent guitarrista e Janvié un excellent pianista !" (Le Monde).
Rai, un film plasent, politic e priondament uman.

Long metratge, format PAL, son 2.0. En francés amb sostitolatge en anglés.

Produccion Les Films d'Espigoule, amb Belavox Films e Manivette Records.

Benda anóncia.:

Lou groupe musicau Massilia Sound System es plus de  presenta  dins  lei  mitan  que  s’interèsson  à  la creacien musicalo en Prouvènço.

Lou cineasto Crestian Philibert, l’autour dei Quatre Saisons d’Espigoule et d’Afrik’aïoli a agu l’idèio de sueivre, à l’òucasien de sei trento an, lou quoutidian d’aquéu groupe e de soun publique, marcant pèr seis estrambot, soun sèns de la fèsto, sei coulèro e sa generousita. Un doucumen seriousamen basti emé sincerita e simpatié.