L'occitan en guerre - Louis Bonfils - Guy Barral

L'occitan en guerre - Louis Bonfils - Lettres à Pierre Azema (août 1914-décembre 1916) - Guy Barral

Descobèrta e editada per Guy Barral, la correspondéncia del soldat-felibre Louis Bonfils en occitan representa un testimoniatge original e rare sus l'espròva que foguèt per de milions d'òmes la Granda Guèrra.

Quand lo sergent Loís Bonfilh part a la guèrra lo 14 d'agost 1914, es un felibre que pòrta l'ajuda del Miègjorn al combat de la França granda.

Las letras que manda a son amic Pèire Asemat son un escambi entre dos escrivans. Son tanben de letras militantas. Primièr, mai es un fach rare demièg totas las correspondéncias de poilus conegudas al jorn d'auèi, que son escrichas en occitan. Puèi per çò que testimònian d’una lucha acarnassida per aparar la reputacion dels Miègjornals rudament atacada pels civils e pels militaris del Nòrd de França?. Aquela lucha per l’onor del Miègjorn menarà Loís Bonfilh dusca son jutjament per un conselh de guèrra tengut sul front, ont serà aquitat, mai felicitat.

Quand lo capitani Loís Bonfilh es tuat a la guèrra, lo 11 de junh 1918, vertat qu'a ganhadas qualques bravas victòrias, militaras contra los Alamands, moralas contra los Franceses del Nòrd, mai la guèrra que sembla d'opausar de longa lo Nòrd e lo Sud es pas acabada, mai se'n manca.

Començada tre 1918, l’edicion d'aquela correspondéncia excepcionala deguèt esperar un sègle per èsser publicada.

Bilingüe : letras originalas en occitan (p. 31 a 99), seguidas de la version francesa (p. 107 a 181). Comentaris e nòtas en francés.

Colleccion "Estudis occitans", Presses Universitaires de la Méditerranée.

Presentacion per l'autor: