Per la lenga e la cultura d’Òc - Andrieu Lagarda, la fe en òbras

Per la lenga e la cultura d’Òc - Andrieu Lagarda, la fe en òbras

Tèxtes recampats per Cristian e Martina Lagarda, amb la collaboracion de Domenja Blanchard, Josiana Bru, Joan Eygun, Joèla Ginestet, Felip Martèl, Patrici Pojada, Patric Sauzet, Clara Torreilles e Maria Joana Verny.

Nascut en 1925, Andrieu Lagarda a darrièr el una longa vida d’ensenhaire e de militant per la lenga e la cultura d’òc. Es pas un òme de capèlas : a trabalhat tanplan dins de mitans ligats al Felibrige coma dins l’occitanisme. Pionièr, tre las annadas 1950 de l’ensenhament de l’occitan a l’escòla publica, una de sas tòcas es estada de porgir sos collègas de material pedagogic, de los recampar altorn de revistas e d’organismes, coma lo CREO de Tolosa, e de dialogar amb las instàncias oficialas. Vengut òme de prensa, de ràdio, poèta, contaire, etnograf, autòeditor, a elaborat una òbra poligrafica d’un cinquantenat de volums sus la lenga, de reviradas, contes e racontes, remembres, sens comptar las edicions, prefacis e lo fum de cronicas.

Los tèxtes aicí recampats, que venon de l’omenatge que se li rendèt, a l’enta de sos nonanta ans, dins sa vilòta de Carbona, pòrtan testimòni de l’interès d’aquela òbra.

Libre bilingüe : articles quora en occitan (mai nombroses), quora en francés.
Cobertura : gleisa de Carsac-Aillac.

Colleccion Domaines étrangers et Langues de France, edicions Lambert-Lucas.

Taula:

Omenatge a Andrieu Lagarda lo 14 de març de 2015
a l’enta dels nonanta ans ............................................................ 7
Cristian Lagarda
Hommage à André Lagarde le 14 mars 2015
à la veille de ses quatre-vingt-dix ans ........................................ 17
Christian Lagarde
1. Palancas : conéisser, transmetre e illustrar la lenga ................... 21
Patric Sauzet
2. Andrieu Lagarda, l’istòria e la lenga d’Occitània ...................... 31
Patrici Pojada
3. Andrieu Lagarda : glenar-imaginar ........................................... 37
Joèla Ginestet
4. La paraula e lo temps : Sus Al temps que te parli,
Remembres de Felicia Cabanié-Lagarde
(Andrieu Lagarda, Letras d’òc, 2008) ....................................... 43
Clara Torreilles
5. Legir Lo Regentòt d’Artigas e Sinèra e la mòstra d’òr ............. 49
Maria Joana Verny
6. André Lagarde et l’univers des contes ....................................... 67
Josiana Bru
7. Andrieu Lagarda, lo qui sap cuélher........................................... 73
Joan Eygun
8. L’òbra pedagogica d’Andrieu Lagarda :
un eiretatge per la FELCO ......................................................... 77
Felip Martèl
Bibliografia ................................................................................ 83
Domenja Blanchard, Joèla Ginestet e Cristian Lagarda