Journal de guerre d’Éloi Arrouy 1914-1918 - Miquèl Ruquet

Journal de guerre d’Éloi Arrouy 1914-1918 - Miquèl Ruquet

Éloi Arrouy es nascut en 1895 dins lo canton de Tria de Baïsa (Pirenèus Nauts).
Mobilizat en 1915 dins l'infantariá, decidís de « notar jornalament los principals faches » dins de quasernets qu'amaga sonhosament e depausa en çò de sos parents pendent sas permissions. Après la guèrra, los met al pròpri, sens tot recopiar, e es solament dins las annadas 1960 que redigís aquela darrièra version.
Aqueles « reflexions d'un pelut, d'un soldat de 1ra classa » balhan de nombroses detalhs sus la vida vidanta al front. Son regiment a pres part a de batalhas dont lo nom es demorat tristament celèbre, Champanha, Verdun, lo Camin de las Dònas, Flandra, la Somme, Marna…
Éloi Arrouy, vengut agent de ligason, subte sens totjorn los comprene òrdres e contra-òrdres ; mas sap analisar la situacion, e pòrta un agach critic e distancié sus çò que se li fa far. Soldat-ciutadan, volriá comprene çò que li es demandat, se mesfisa de son ierarquia, dels gendarmas, e cerca sustot de subreviure. I es arribat, a dich d'intelligéncia, de còps de rusa, de sistèma D.
Mas pertot e totjorn o perseguisson l'idèa de la mòrt imminenta, la revòlta contra l'absurditat e las orrors de la guèrra, qu'empejoran encara cap a la fin, amb la brutalisation de la tropa, los pilhatges o l'ivrognerie dels soldats de totas las armadas.

Miquèl Ruquet a entrecopat e confrontat lo raconte d'Éloi Arrouy amb lo Journal oficial de son Regiment (401en d'Infantariá) e de las mesas al ponch istorics restituïsson lo contèxt general de la guèrra, de las cartas e de las fotografias originalas permeton de conceptualizar melhor los eveniments.

Edicions Trabucaire.

L'autor:

Miquèl Ruquet, professor d'istòria e de geografia al collègi dels Albères a Argelèrs-sus-Mar, acaba en 2009 un doctorat d'istòria a l'Universitat de Perpinhan Via Domitia sus l'insomission e la desercion pendent la guèrra de 14-18 sus la frontièra dels Pirenèus. A publicat de nombroses articles dins divèrsas revistas, en francés e en catalan : Domitia, Muntanya, Miègjorn Rog, Vallespir, Aïnes Noves, Ceretania, Papers de Recerca Històrica d'Andorra.