1984 - George Orwell - Felip Biu

1984 - George Orwell - Felip Biu

(Nineteen Eighty-Four)

Dens 1984, roman d’anticipacion vadut famós, George Orwell qu’imagina un poder qui conta-ròtla tots los actes de la vita vitanta mes tanben totas las pensadas de cada persona. De vertat, en regimi totalitari, nada libetat de pensada ne deu estar possibla ni tanpòc saunejada.
A maugrat de Big Brother, l’amor de Winston e Julia, vadut d’ua comuna set de libertat, e poderà subervíver e escapar a la Polícia de la Pensada ?

1984, un roman qui pausa las questions tostemps actuaus de la libertat e deus poders de la lenga. Ua obra maja de la literatura deu sègle XXau.

Traduccion occitana per Felip Biu de l’òbra originau anglesa de George Orwell, Nineteen Eighty-Four, pareguda en 1949.

Edicions Letras d'òc.
publicat dab l’ajuda deu Centre National du Livre.

L'autor:

Felip Biu (1973) qu’ensenha l’occitan a l’Univestitat de Pau.
Qu’a publicat en çò de las edicions Letras d’òc – Camins duas traduccions d’òbras literàrias de lenga anglesa :
– Lo qui marmusava dens l’escuranha, revirat de l’anglés The Whisperer in Darkness de H.-P. Lovecraft.
– 1984, famós roman de George Orwell.

Entrevista de Felip Biu:

Emission En Ondas de Domenja Lekuona, lo 28/02/2022 sus Hadiu (Ràdio Podcasts de resisténcia en occitan).

1984 roman pareishut en 1949.
1984 qu’ei un libe deus arquetipaus de las cent darrèras annadas dens la literatura occidentau. Qu’ei dens tots los classaments deus libes de léger : deu Monde, au Times… Soslinhem d’alhors que Animal’s farm = La bòrda deus animaus deu quite autor que figura tanben au classament deus incontornables deu sègle XXau. Que recomandarèi mei deu quite George Orwell Homage to Catalonia : pendent la guèrra d’Espanha que s’engatgè au ras de la republica catalana en lo POUM.
George Orwell 1903-1950 qui ei lo nom de pluma d’Eric Arthur Blair. Vadut en Índia e mort a Londres. Jornalista e escrivan.