Recently added item(s)
Aucun produit
Liames
L-9782859104984
New
2 Items
Dins l'estòc
13,00 €
Seda - Alessandro Baricco. Revirat en occitan per Corinne Lhéritier. « Aquò’s pas un roman. Es pas tanpauc un raconte. Aquò’s una istòria. Debuta amb un òme que traversa lo mond, e s’acaba amb un lac, qu’es aquí, un jorn de vent. »
Type | Broché |
Année | 2012 |
Lenga | occitan |
Pages | 94 |
Format | 15 x 21 cm |
Distributeur | IEO edicions - IDECO |
ISBN | 978 2 85910 498 4 |
Seda - Alessandro Baricco
Revirat de l'italian en occitan per Corinne Lhéritier.
« Aquò’s pas un roman. Es pas tanpauc un raconte. Aquò’s una istòria. Debuta amb un òme que traversa lo mond, e s’acaba amb un lac, qu’es aquí, un jorn de vent. A l’òme li dison Hervé Joncour. Al lac, se sap pas. »
Tant val dire que se pòt pas contar lo libre ni mai lo resumir !
Benlèu perque Alessandro Baricco estudièt primièr la musica, Seda sembla una cançon epica, ritmada de repics o un retinton leugièr.
Benlèu perque estudièt tanben la filosofia, lo temps s’i estira dins un ritme un pauc desconegut, en seguir los anar-tornar d’Hervé Joncour.
Se i tracha de manhans e de manhanièras, de granas e de malautiás, de viatges e d’esper… Cadun pòrta en el sa part de sòmi e jòga dins la particion sa nòta personala. Seda d’aicí, grana d’ailà, entra Ardècha e Japon, Alessandro Baricco pausa sos mots sus la fuèlha tant coma de nòtas sus la portada, e nos embarca dins son univers poeticò-musical – al mens que siá musicò-poetic. Los mots se fan seda, l’istòria se fa viatge : basta de s’encaminar !
L'autor (revirada):
Corinne Lhéritier es nascuda en 1966 a Alès (Gard). Espeliguèt entre Nimes e Cevenas, entre lo “patoes” mitat amagat mitat enebit dels grands, e lo retorn a la lenga del paire.
Dempuèi 1987 es regenta a la Calandreta, la de Montpelhièr fins 1989, puèi la de Nîmes que dubriguèt amb un ponhal d’amics. Es aqueste trabalh de regenta que la butèt a far reviradas sus reviradas per sas classas : fichas tecnicas, documentaris, romans, primièras lecturas…
D’autra man, escriguèt mantun article de pedagogia, pareguts dins de revistas especializadas.
Es del rescontre amb l’italian e l’afogament per la lenga e lo país, que nasquèt l’idèa de revirar Seta d’Alessandro Baricco.
A revirat perèu la BD "Los ignorants" d'Etienne Davodeau.
Edicion IEO Lengadòc, 2012.
Titol originau: Seta - Alessandro Baricco (Milano : Rizzoli, 1996 - La Scala - ISBN 88-17-66059-0).
Aucun commentaire n'a été publié pour le moment.