Massilia Sound System (La façon de Marseille) - Camille Martel

Massilia Sound System - La façon de Marseille - Camille Martel

Massilia Sound System festaja en 2014 seis trenta ans. Es autor d’una mena de biografia autorisada clafida d’informaciens sus lo grope, que Camille Martel rementa coma aquelei joines passionats de la cultura de sa ciutat, rescòntron a Tolosa Claudi Sicre, en 1987.

Aqueu musician, musicològue que fa una tèsi sus lei musicas populàrias, occitanista originau, animator de son quartier, es afogat eu per l’exemple bresilian d’una societat mesclada. Am’aquò es  pertocat per la pensada de Felix Castan. Aqueu, occitanista partisan de la decentralisacien culturala, se tèn fòra dau movament occitanista d’aqueleis annadas, qu’aqueu sariá pusleu per l’autonomisme politic.
 
Totei se tròbon sedusits per la tòca de Castan, en particulier quand ditz que « chasca vila, chasque vilatjon de França pòu devenir capitala, un pòle de creacien important sensa complèxe envèrs Paris », escriu Camille Martel. Per Castan, l’expressien dei lengas de França pòu qu’enrichir la nacien.
 
Per de cantaires que se vòlon pròches dau pòple dins una ciutat que sa borgesia pensa ren qu’a s’autò-provincialisar, aqueu discors duèrbe una draia que seguiran tota sa vida, lei Massilia.

Ren nos ditz que lo public dau Massilia a agut la lenga en partiment, nimai que la parla. Mai segur que per elei èra tot d’un còp devengut un simbòle de la fièra cultura marselhesa. « Se siam endraiats dins aqueu juec » ditz Moussu T.  alias Tatou.

« E, dau moment qu’avèm començat de cantar am’ela, nos a ben faugut l’aprendre, la lenga ». Ansin de Papet Jali, encara ben joine, que frequentava lo cors de la MJC dau Cors Julian alentorn de 1990. « Puei, coma cantaviam en lenga e qu’aviam endraiat la Chourmo, toteis aquelei dau public, per pas se trobar colhons, l’an apressa tanben » ajustava Tatou.

Edicions Le Mot et le reste.

Extrach:

"Soucieuse de pouvoir monter un groupe avec de moindres moyens (il est plus facile – quoique – de trouver des versions que de faire jouer des musiciens), la bande décide de confronter le sound system au public marseillais. Le nom leur apparaît comme une évidence : Massilia Sound System."

Mai d'entresenhas sus lo libre sus lo site d'Aquo d'Aqui.