0 0
 

Recently added item(s)

Aucun produit

Free shipping! Expédition
0,00 € Total

Commander

Produit ajouté au panier avec succès

Quantity
Total

There are 0 items in your cart. There is 1 item in your cart.

Total products (tax incl.)
Total shipping (tax excl.) Free shipping!
Total (tax incl.)
Continue shopping Proceed to checkout

Artistas

Coma un aubràs estrifat per l'auristre / Leberon - Roland Pécout

L-9791093692005

New

2 Items

Dins l'estòc

15,00 €

Coma un aubràs estrifat per l'auristre / Leberon - Recuelh de poesias occitanas per Roland Pécout.

More details

STATIC BLOCK

Data sheet

TypeBroché
Année2016
LengaOccitan - Francés - Italian - Anglés
Pages82
Format16 x 22.5 cm
DistributeurTroba Vox
LabelVotz de Trobar
ISBN978-2-9535781-7-1

More info

Coma un aubràs estrifat per l'auristre - Roland Pécout

Roland Pécout dintrèt en literatura en trevant leis espandis largs deis Orients, nos dobriguèt lei pòrtas dau levant e faguèt bufar un vent novèu sus lei letras d’òc, dins leis annadas setantas, amb son racònte de viatge : Portulan, camins dau levant (dos volumes, recentament reeditat en un volume per vent terral). Après son dire de viatjaire, d’escrivan nomada que saup escotar lo monde e tornar de luenh per mielhs saborejar lo país : tot èra cambiat, tot èra de tornar escriure, de tornar inventar. Dins una lenga d’òc rica e carnala, Roland Pécout saupèt nos faire sentir la libertat despolhada, franca e sensuala d’un Afganistan ara vengut un teatre de guèrras infinidas. Sa lenga de poesia quitèt plus de la trabalhar, de l’afinar, dins una seria de romans e de recuelhs de poèmas, dins d’articles, d’assais, de reflexions sus lo viatge, la musica, Mistral, lei Toaregs, Van Gogh e tant d’autres subjèctes divèrses.
Dempuèi Mastrabelè, paregut ais edicions Jorn en 1999, esperaviam, coma de fontaniers en cèrca d’aiga secreta, un autre recuelh poetic : es ara causa facha amb aquèu polit libre quadri-lenga (occitan-francés-italian-anglés).

L’autor, acostumat ai vèrs liures, se dona aquí un ritme regulier amb d’octosillabas que fan dançar la lenga e de rimas crosadas plenas de musica.
L’encastre, classic donc, nos estona e nos atriva coma un fiu d’Ariana que volèm seguir au laberint dei paraulas. Autre encastre, autra unitat : aquela dau luec, d’una geografia precisa qu’es aquela de Leberon, la montanha provençala. Siam dins lei beutats escalustradas d’un sèrre de cauquier que faguèt pantaiar mai d’un poèta… coma René Char d’alhors invocat dins lo tèxte. Mai parlar de Leberon es parlar dau monde, varalhar dins lei combas es començar un viatge mai lòng : atraversar lo temps prigond de l’Istòria. Çò que nos pivèla dins l’òbra de Pécout es bensai aquesta espessor de l’escritura : la complexitat dau monde, la pluralitat dei mondes, la fòrça dei pòples e de seis istòrias, sovent duras, ressònan dins lo tèxte, de lònga. Caminar dins leis environas d’Opeda o de Merindòu es, per exemple, subran tombar au còr dau chaple dei Vaudès que sembla, estranhament, ai mortalatges de Siria actuala. La poesia es ansin un agach lucide, un biais de legir lo païsatge dins sa totalitat, de dintrar dins lo païsatge coma se dintra dins un tablèu d’artista per i seguir lei mila sentiers de l’umanitat. Leis « esclargiments » qu’acompanhan lei poèmas nos permèton justament de sentir tota la riquessa dei referéncias.

Lo Leberon de Pécout es un luec sensa confinha que concentra totei leis alhors explorats, es una immensitat pichòta per s’anar perdre, i abandonar son « egò » dau biais dei mistics tibetans… Un Leberon ben luenh deis embarraments provinciaus, una tèrra liura e una lenga d’òc, viva, rebèla e solara que tròba sei ressons, sei continuacions dins leis autrei lengas dei reviradas, qu’elei tanben, dobrisson a son torn lei mila pòrtas dau monde.
Silvan Chabaud, Lo Diari 39 (Setembre / Octòbre de 2017).

Extrach:

Òmes dei Baumas, Òmes dei Auras,

Òrts-de-Diu qu'an d'aubres per mans,

Òmes-Cavaus, Òmes-Lops: mauras

son lei somiadas deis umans.



De totei, rescontrèri l'ombra,

l'uelh menimòs e lo gost rauc.

Ara, l'Esperit que Denombra,

l'ai trasegut dins lo mistrau.



... Pantaissi de ta ciutadèla

dins leis èrmes de mei Levants.

Es aparaira emai crudèla,

la carn i prusis de trevants.



Se dei nafras de mei batalhas

cerquèri en tu l'alasiment,

de cada cretge que m'entalha

dises "segur", dises "pasmens"...

Reviews

Aucun commentaire n'a été publié pour le moment.

Write a review

Coma un aubràs estrifat per l'auristre / Leberon - Roland Pécout

Coma un aubràs estrifat per l'auristre / Leberon - Roland Pécout

Coma un aubràs estrifat per l'auristre / Leberon - Recuelh de poesias occitanas per Roland Pécout.

Write a review

Les clients qui ont acheté ce produit ont également acheté...