Cançons del meu vilatge - CORDAE La Talvera (Libre + CD)

Cançons del meu vilatge - CORDAE La Talvera (Livre + CD)

Daniel Loddo, mesa en particions de Céline Ricard

Las cançons de vilatge, menas d’imnes locals, se multiplican en region Occitanie — coma per d’autras regions — mai que mai entre 1850 e 1950. L’una de las pus ancianas, la Tolosenca, que la compausèt Lucien Mengaud en 1844 influencièt sens cap de dobte fòrça composicions ulterioras.
Cantar la siá vila o lo sieu vilatge (en occitan pel còp) demòra uèi encara un biais per se posicionar al respècte dels autres, de las vilas vesinas, mas tanben de reivindicar la siá cultura còsta la lenga dominanta.
Delai los « clichés » inerents a aquela mena de composicions, i se descuèrbon de testimoniatges istorics, etnografics e lingüistics esmovents e apassionants, que convidan a viatjar per l’espaci e lo temps.

Aquel recuèlh recampa mai de 80 cants collectats dins una zòna geografica qu’englòba essencialament Tarn, Tarn-e-Garona, Òlt, Avairon, mai un darrièr capítol que compòrta un florilègi eissit d'un airal occitan mai ample.
S'i tròba, en mai de la transcripcion e de la revirada francesa dels tèxtes, las particions correspondentas, de comentaris nombroses e de fotografias, d'epòca e d'auèi.

L'obratge de 184 paginas amb fòtos de color, particions, es completat per un CD MP3 d’a per aquí 2h40min, interpretat per de musicians del grop La Talvera.

Sèria "Memòrias Sonòras", edicions CORDAE - La Talvera

Estrachs:
“Ò mon país ! Ò mon país ! Ò Tolosa, Tolosa !
Qu’aimi tas flors, qu’aimi tas flors, ton cèl, ton solelh d’aur…”


“Òc, rodatz, rodatz que rodaretz
Al Roèrgue !
Òc, rodatz, rodatz que rodaretz,
Al Roèrgue tornaretz…”

Per ne legir d’extraches sus Calameo: clicatz aicí

Per n’ausir un pichon « medley » dau CD :